Mu majonjora y’ibanze yabereye mu gihugu hose, Abakobwa 54 bafite ubwiza, ubwenge n’umuco bemeje Akanama Nkemurampaka ni bo bemerewe gukomeza mu cyiciro kibanziriza icya nyuma batoranyijwe mu basaga 400 biyandikishije mu gihugu hose.

Mu ijonjora ry’ibanze ryatangiriye mu Ntara y’Uburengerazuba habonetse abakobwa batandatu, Amajyaruguru atanga batandatu, mu Majyepfo hatoranyirijwe barindwi, mu Burasirazuba hava abakobwa 15 mu gihe mu Mujyi wa Kigali hatowe abakobwa 20.

Kuwa Gatandatu ushize, hakozwe andi majonjora ya kabiri, aho mu bakobwa 54 bari babonetse, havuyemo abandi 20 bazajya mu mwiherero, bakavamo uzambikwa ikamba rya Miss Rwanda 2020.

Mu bakobwa 20 batoranyijwe, umunani ni abiyamamarije mu mujyi wa Kigali.
Abakobwa umunani bahagaririye umujyi wa Kigali basigayemo ni Iribagiza Alliance, Nishimwe Naomie, Mutesi Denyse, Ingabire Gaudence, Kirezi Rutaremara Brune, Mutegwantebe Chanice, Kamikazi Rurangirwa Nadege na Marebe Benita.

Intara y’Uburasirazuba ihagarariwe n’abakobwa batanu, Ingabire Rehema, Ingabire Diane, Teta Ndenga Nicole, Nyinawumuntu Rwiririza Delice na Umwiza Phiona.
Abakobwa bane ni bo bahagarariye intara y’Uburengerazuba aribo Akaliza Hope, Umuratwa Anita, Uwase Aisha, na Umutesi Denise.

Mukangwije Rosine ni we uhagarariye Intara y’Amajyaruguru, na ho Amajyepfo ahagarariwe n’abakobwa babiri barimo Musana Teta Hense na Ingabire Jolie Ange.

Mu bakobwa 20 bakomeje mu mwiherero harimo babiri bagendeye ku itike yo kuba aribo bafite amajwi menshi binyuze kuri internet na telefoni. Aba barimo Nishimwe Naomie na Irasubiza Alliance bari mu bahagarariye umujyi wa Kigali.

Igikorwa cya Miss Rwanda kizasozwa tariki 22 Gashyantare 2020 aribwo hazamenyekana uwegukanye ikamba rya Nyampinga w’u Rwanda 2020 asimbuye Nimwiza Meghan ufite irya 2019.

–  Abakobwa 20 b’uburanga bemerewe guhagararira Kigali muri Miss Rwanda 2020

1. Tuza Prime Rose (No 22)

2. Mpinganzima Josephine (No 19)

3. Murerwa Blandine (No 3)

4. Irakiza Alliance (No 24)

5. Teta Mauren (No 4)

6. Uwimpaye Marlene (No 25)

7. Kamikazi Rurangirwa Nadine (No 5)

8. Utamuliza Ella (No 17)

9. Gaju Evelyne (No 28)

10. Umumararungu Ange Aline (No 10)

11. Mutesi Denyse (No 27)

12. Ishimwe Divine (No 14)

13. Ishimwe Melissa (No 21)

14. Kamikazi Celia (No 8)

15. Kirezi Rutaremara Brune (No 30)

16. Mutegwantebe Chanice (No 7)

17. Marebe Benitha (No 15)

18. Umulisa Rosemary (No 31)

19. Ingabire Gaudence (No 23)

20. Nishimwe Naomie (No 26)

Nishimwe Naomie yiyamamarije mu Mujyi wa Kigali aho yatoranyirijwe mu bakobwa bemerewe kuwuhagararira

Amafoto: Miss Rwanda