Nk’uko bitangazwa na Perezida wa « Rayon Sports Europe », Jean Pierre Rugero, afatanyije n’Abakunzi b’iyi kipe ya Rayon Sports batuye mu Bubiligi no mu bindi bihugu by’u Burayi, barategura umunsi bise " Rayon Sport Day" uzaba ugamije guhuza abahoze ari abakinnyi biyo kipe n’andi makipe yo mu Rwanda, Abanyamuryango n’inshuti zabo mu rwego rw’ubusabane no kureba uko bakomeza guteza imbere ikipe yabo n’umupira w’amaguru mu Rwanda muri rusanjye.
Jean Pierre Rugero ati "Iki gikorwa giteganyijwe ku wa Gatandatu tariki ya 24 Kanama 2013 kikazatangira saa munani z’amanywa."
Ku biteganyijwe muri gahunda y’uwo munsi, harimo umukino w’umupira w’amaguru uzahuza abahoze ari abakinnyi ba makipe ya Kiyovu Sports na Rayon Sports, hakazakurikiraho undi mukino uzahuza abakunzi (abafana) ba Kiyovu Sport na Rayons Sports. Iyi mikino ikazatangira saa munani z’amanywa ahitwa rue Molembos, N°1 / 1731 Zellik, ari naho hazabera izindi gahunda zose zizakurikiraho kugeza mu gitondo, harimo igitaramo (Concert Live, barbecue, et soirée dansante) n’aba DJ bazashyiramo umuziki kugeza mu rukerera.
Bamwe mu bakinnyi bazaba baje kwitabira uwo muhango no gukina baturuka mu makipe yombi, abo mu ikpe ya Kiyovu bazaba bahari ni : Muvala Valens, Idi Ibrahim karekezi, Mupenzi leon, Hubert shizirungu(bebe), Désire mbona bucya, karim kamanzi, kamanzi michel, ashraf munyaneza, guillaume Haliyamutu, Saruhara Protogène, Fils Mbonabucya, Emery Style, Issa Kalamba, Hassan Karera, Djuma Bagabo (Wakacape), Papy Kanamugire, Babou Kanamugire, Kado, Batou Jean, Marzuku Ibrahim, Buruchaga Kembo n’abandi.
Muri Rayons Sports abateganyijwe kuri gahunda ni: Chrysostome Habimana, Aime Dollar, Lisala Tanganyika, Mudeyi Nazaire, Kalisa Claude, Richard Hitimana, Magnifique Nuwimana, Kimasa, Mudeyi Yves, Kimisagara Claude, Bula Bula, Claude Barthez, Bitana jean Rémy, Albert Mbonampeka, Murangwa Eugene, Minko Michel, Seko Sefu, n’abandi.
Mu bahanzi bakunda ayo makipe hazagaragaramo : Marechal De Gaulle Ufiteyezu, Ben-Ngabo Kipeti, Chouchou, Jakhobo, Slai Buta, Seleman, Julienne Kayiganwa (Big Maman), Liziki n’abandi.
Abategura iki gitaramo barahamagarira abakunzi b’iyi kipe ngo bazaze muri ubu busabane buzarushaho gutuma bamenyana bahujwe n’ikipe yabo bakunda kandi barusheho no gusabana, nk’uko bisanzwe mu muryango w’abakunzi ba Rayon Sports FC. Kandi ubu busabane kubuzamo nta kiguzi bigomba.
TANGA IGITEKEREZO