Ibi birori byitabiriwe n’inshuti za Cyuzuzo ziganjemo abakora itangazamakuru barimo; Aissa Cyiza , Antoinette Niyongira, Michèle Iradukunda, Kamanzi Natasha, Rita Umuhire, Mucyo Kago Christella, Aissy Nakure n’abandi.

Kuri uyu wa Mbere nibwo Cyuzuzo yasangije abasaga ibihumbi 60 bamukurikira kuri Instagram amafoto y’uko ibirori bye byo gusezera ubukumi byari byifashe.

Ni amafoto yarahekejwe n’ amagambo ashimira inshuti ze zamubaye hafi muri urugendo yitegura gusoza vuba aha.

Ati “ Ku nshuti zanjye zidasanzwe. Mwakoze cyane !! mwatumye ngira ibihe byiza mu bukumi bwanjye.”

Ku mugoroba wa tariki 5 Ukuboza 2021, nibwo Cyuzuzo yasangije abamukurikira amafoto y’umuhango yambikiwemo impeta na Niyigaba.

Kugeza ubu itariki y’ubukwe bwabo ntiratangazwa, gusa amakuru ava mu nshuti zabo za hafi avuga ko uyu mwaka wa 2022 uzasiga Cyuzuzo ari umugore wa Niyigaba bamaze igihe kinini bakundana.

Cyuzuzo amaze imyaka itari mike mu itangazamakuru, yakoreye Isango Star, Radio 10 na Royal FM mbere y’uko yerekeza kuri KISS FM.

Inshuti za Cyuzuzo zishimiye ibi birori

Aissa Cyiza ni umwe mu bari muri ibi birori

Cyuzuzo Jeanne d’Arc yishimiye ibihe byiza yagize mu bukumi bwe

Mucyo Kago Christella yari yaherekeje Cyuzuzo muri ibi birori

Cyuzuzo Jeanne d’Arc yiteguye kuba umugore wa Thierry Eric Niyigaba

Michèle Iradukunda ni umwe bitabiriye ibi birori byabereye ku nkengero z'ikiyaga cya Muhazi

Kamanzi Natashayafatanye ifoto y'urwibutso na Cyuzuzo

Antoinette Niyongira ni umwe mu nshuti za Cyuzuzo zagaragaye muri ibi birori

Cyuzuzo yashimiye inshuti ze zose zamubaye hafi akiri inkumi

Rita Umuhire yishimira kuba ari ishuti ya Cyuzuzo