Gatera Edmond usanzwe ari n’Umunyamabanga wa Gisagara Volleyball Club, ku mugoroba wo kuri iki Cyumweru tariki ya 26 Mata 2021 yasabye umukunzi we Rugamba Geneviève bamaze imyaka umunani bakundana ko yamubera umugore maze asubizwa ‘yego’.

Ni igikorwa cyabaye ubwo aba bombi bari bageze mu Karere ka Huye bavuye i Nyanza gusura ababyeyi b’umukobwa.

Gatera ati “Twari tuvuye gusura ababyeyi b’umukobwa, nari namubwiye ko agomba gusuhuza Parrain wanjye wari waje i Huye. Yaje azi ko agiye gusuhuza Parrain atungurwa no gusanga nateguye igikorwa cyo kumusaba ko yambera umugore.”

Rugamba Geneviève na we yavuze ko kwambikwa impeta na Gatera yabyishimiye kandi yabyakiriye neza.

Ati “Byari bikwiye, ntaho nari guhera mpakanira uwo nkunda turaziranye bihagije kandi dukundana urukundo rwa nyarwo ni iby’agaciro kwambikwa impeta na Gatera.”

Gatera na Rugamba bamenyanye ubwo basozaga amashuri yisumbuye mu 2013, kuko bombi bavuga ko urukundo rwabo rwatangiye ubwo bari bari mu ngando, biza gukomera none ubu bemeranyijwe ko bagomba kubana nk’umugabo n’umugore.

Bombi bavuga ko nta gihindutse ubukwe bwabo buzaba muri Nyakanga uyu mwaka.

Aha ni ho Gatera yateguye asabira Rugamba kumubera umugore

Rugamba yatunguwe no gusanga Gatera yamwiteguye akamusaba kumubera umugore

Ubwo Gatera yari yiteguye gutungura Rugamba akamusaba ko amubera umugore

Umunyamakuru wa RBA Gatera Edmond yambitse impeta umukunzi we

Gatera na Rugamba bamaze imyaka umunani bakundana

Gatera na Rugamba biyemeje kubana nk'umugabo n'umugore

Rugamba Geneviève na we yavuze ko kwambikwa impeta na Gatera yabyishimiye kandi yabyakiriye neza

Bombi bavuga ko nta gihindutse ubukwe bwabo buzaba muri Nyakanga 2021

[email protected]