Kuva mu minsi ishize, Ruti Joël ari gusangiza abamukurikira amafoto amugaragaza agatoki ku kandi n’inkumi yerekana amaboko yayo ariko ntagaragaze isura cyangwa uwo ari we.

Mu kiganiro yagiranye na IGIHE, Ruti Joël yemeje ko amaze igihe mu rukundo n’iyi nkumi icyakora ahamya ko itaramwemerera kuyivuga.

Ati “Ntarankundira kumuvuga uragira ngo mbengwe rugikubita? Nankundira kuvuga uwo ari we nzamubabwira rwose.”

Amashusho mashya Ruti yasangije abamukurikira yayakurikije amagambo agira ati “Ntuzicwa n’irungu wakunzwe n’intore.”

Mu 2024 nibwo Ruti Joël yari yateguje ubukwe n’umukunzi we nubwo nta makuru menshi yigeze avuga y’igihe buzabera.

Ruti ntabwo yigeze avuga izina ry’umukobwa bakundana cyangwa igihe ubukwe buzabera.

Ruti Joël yatangiye umuziki mu 2013 ubwo yari umwe mu babarizwaga muri Gakondo Group. Nyuma yaje gufata icyemezo cyo gutangira umuziki ku giti cye.

Uyu musore akunze kuvuga ko mu bahanzi afatiraho icyitegererezo harimo Massamba Intore wamubaye hafi kuva kera, Muyango, Sentore Athanase, Rujindiri, Kayirebwa, Jules Sentore n’abandi.

Ruti Joël akomeje guca amarenga y’urukundo rwe n’inkumi akomeje kugira ubwiru

Hashize imyaka ibiri Ruti Joël ateguje ubukwe