Uyu mukobwa w’imyaka 20 y’amavuko akomoka i Nyamirambo ari naho yavukiye gusa yagiye gutura mu Buholandi aho amaze imyaka igera kuri 15. Uwase ari mu bakobwa 13 baherutse gutoranywa kugira ngo hashakishwemo uzambikwa ikamba rya Nyampinga wa Afurika mu Buholandi.

Uwase Sandrine wiga ishami ry’imbonezamubano muri kaminuza ya Hogeschool Rotterdam iri i Rotterdam ahatanye n’abakobwa barimo uwo muri Côte d’Ivoire, Guinea, Repubulika Iharanira Demokarasi ya Congo, Ethiopia, Cape Verde, Cameroon, Madagascar, Gambia, Afurika y’Epfo, Sierra Leone, Uganda ndetse na Ghana.

Ikamba rya Nyampinga wa Afurika mu Buholandi [Miss Africa Netherlands] mu mwaka wa 2016 ryahawe umukobwa witwa Claudia Nzeba ukomoka muri Repubulika Iharanira Demokarasi ya Congo.

Iri rushanwa rimaze imyaka itanu ribera mu Buholandi, ku nshuro ya mbere ikamba ryahawe umukobwa witwa Anthonia Raymond wo muri Nigeria nyuma asimburwa na Rosemary Kargbo wo muri Sierra Leone naho mu 2015 ikamba rihabwa Adama Jobe wo muri Gambia.

Claudia Nzeba wegukanye iri kamba umwaka ushize