Nk’uko bisanzwe buri mpera z’icyumweru IGIHE ikora urutonde rugizwe n’indirimbo nshya z’abahanzi nyarwanda zafasha zafasha buri wese kuryoherwa n’impera za Weekend.

Ni inkuru igamije gutanga umusanzu mu iterambere ry’umuziki no gufasha abadukurikira kuruhuka no kunogerwa n’impera z’icyumweru.

‘Ihogoza’ ya Victor Rukotana

Ni indirimbo umuhanzi Victor Rukona ubarizwa muri Uncle’s Empire yatuye abakundana , uyu musore yumvikana aririmba amagambo y’urukundo ataka uburanga bw’ umukobwa amubwira ko ari we yahoze arota kuva kera hose.

Iyi ndirimbo amajwi yayo yatunganyijwe na Lion afatanyije na Singa Stone amashusho yayo akorwa na Sinta Filmz.

‘Shawty (Shori)’ ya France

Iyi ni indirimbo umuhanzikazi France Leesa yatuye abari mu rukundo bumva ko rugeze aharyoshye , muri iyi ndirimbo uyu muhanzikazi yumvikana asaba umukunzi we kumwereka uko abigenza iyo yanezerewe mu rukundo.

Iyi ndirimbo yanditswe na Chartine Imfurikeye, Niyo Bosco, France, na Lionel Mugisha.

Amashusho yayo yakozwe Ibracams na Wacka-Rocks, amajwi yayo yakozwe na Santana Sauce asozwa na Bob Pro.

‘Yongeye guca akanzu’ ya James&Daniella na Israel Mbonyi

Iyi ni indirimbo ya James na Daniella bahuriyemo na Israel Mbonyi bavuga uburyo Imana ari nziza ibihe byose .

Mu majwi yabo bumvikana baririmba bavuga ko uburyo Imana yongeye guca akanzu kugira ngo babone uko bayishima no kuyihimbaza nyuma y’ibibazo byanyuzemo cyangwa bari bamaze igihe.

Iyi ndirimbo amajwi yayo yatunganyijwe na Producer Nicolas ukorera muri Daystar Records , Amashusho yayo atunganywa na Nkotanyi Fleury ukorera muri sosiyete ya BahEnt.

‘Stick Together’ ya Eloi El

Iyi niyo ndirimbo ya mbere umuhanzi Eloi El akoranye na sosiyete y’umuziki ya Palm Tree Records ikorana na Sony Music Entertainment.

Uyu musore ukora umuziki wa EDM ni umwe mu bahanzi nyarwanda bafite umubare munini w’ababakurikira kuri Spotify.

Muri iyi ndirimbo uyu musore yumvikana asezeranya uwo akunda ko nubwo ibibazo byose byaza atazamureka igihe cyose bazaba bakiri kumwe.

Iyi ndirimbo yakorewe muri Blooming Visual , amajwi yayo yakozwe na Eloi El, amashusho yayo atunganywa na Ayo Merci afatanyije na Eloi El.

Mon Amour ya Empress Nyiringango ft. Ben Ngabo Kipeti

Iyi ni indirimbo yumvikanamo ibicurangisho byamuzika byinshi byo muri Afurika ikozwe mu muzuki wa Afrozouk, ni iya Empress Nyiringango witegura kumurika album yise ‘Ubuntu’ mu mpera z’Ukwakira.

Iyi ndirimbo amajwi yayo yatunganyijwe na Canada Council for the Arts, yagizwemo uruhare n’abantu benshi batandukanye barimo Aron Niyitunga wacuranze gitari anahuza imiziki yose iyihuriyeho.

Humvikanamo kandi ijwi rya Bill Ruzima , Patient Akayezu acuranga inanga na Michael Makembe wacuranze Ikembe ryumvikana muri iyi ndirimbo.

Abandi bakoze kuri iyi ndirimbo barimo Nduduzo Makhathini, Etienne Ishimwe, Kofi Ackah, Tino Damba.

Amashusho yayo yakozwe na Poppa Quest- Gatineau, akazi yafashijwemo na Bob Chris-The Black Judah.

Umuyonga ya Nessa

Muri iki cyumweru umuraperikazi Nessa yikojeje mu nganzo azanira abakunzi be indirimbo 4 harimo iyitwa ‘Igitoki’ yahuriyemo na Amag The Black na Baet Killer, izindi ni Gee code na Umuhari.

Iyi yise umuyonga amajwi yayo yatunganyijwe na Beat Killer.

‘Twari Broke’ ya R.M.H , Ish Kevin , Ririmba na Ehlers

Muri iki cyumweru umuhanzi R.M.H yikojeje mu nganzo azanira abakinzi be Mixtape yise ‘Ndigukaba’ iriho indirimbo 13.

Ni mixtape igaragaraho abahanzi batandukanye nka Ish Kevin, B.Threy , Ririmba , Zilha Yassin Indistizo , Drizzy Bgl , Alen Mun , I.Kay, Ndahiro III , Jumpy Boyz , Triple King Domz, Yannick Myk, KN28 , Triple King domz, Rodb , Og2tone na Og2tone.

Iriho indirimbo nka Ooh Yeah, No Wahala, Umuraperi , Ndigukaba, Kuri Block, Twari Broke , Messiah, Got It , Kapo , Mukazi , Ntibikunda, Different na Amina.
Iyi mixtape yatunganyijwe n’aba producer batandukanye barimo , Bailey 99 Beats, Zed Pro , Hubert Beats , Dr Nganji , KN28 , Laser Beats , Ehlers , Larry na Ayo Jovan.

‘Akageste’ ya Willy Toussaint

Iyi ni indirimbo y’umusore Willy Toussaint uririmba asaba umukobwa urukundo amubwira ko naramuka amwereye ko yahinduka akaba umwana mwiza akareka imico mibi ,ndetse akamwizeza ko azamuhindurira ubuzima.

Iyi ndirimbo amashusho yayo yakozwe na Skyler Image na Muhire Visuals, amajwi yayo yatunganyijwe na Willy Toussaint.

‘Take care’ ya Beat killer

Muri iki cyumweru Beat killer usanzwe ari na Producer yikojeje mu nganzo amurikira abakunda ibihangano bye indirimbo eshatu harimo, Take Care, Twikoze na Kado y’injyejyera.

Imwe muri izo ‘Take care’ amashusho yayo yakowe na Berry Filmz , muri iyi ndirimbo Fax Rapper ariwe Beat Killer aririmba ambwira umukunzi we kwitwararika akitondera abasore bose bamushaka akagumana nawe kuko ari we utunganye muri abo bose.

Umusirikare ya Xyz Gang

Ni indirimbo y’abasore babiri bihurije hamwe bakora itsinda bise XYZ Gang, muri iyi ndirimbo yabo nshya baririmba bavuga ko ibyo bakora byose babikorana intego nk’umusirikare uri kurugamba.

Iyi ndirimbo amajwi yayo yakozwe na Dizzy Beat.

Ingenzi ya Miss Simple na Pacson

Pacson uri mu bahanzi bagize izina rikomeye mu Rwanda akaba n’umunyamakuru w’imyidagaduro, yasubiranyemo indirimbo Ingenzi n’itsinda ry’abakobwa b’impanga bitwa Miss Simple.