Aba bakobwa bakoze uru rugendo rwo kwiyungura ubumenyi mu mateka y’u Rwanda kuwa 19 Gashyantare 2017, bahereye kuri Petit Stade aho bashyigikiye umukobwa witwa Cathia Uwamahoro uherutse guca agahigo akandikwa mu gitabo cya Guinness World Record ku bwo kumara amasaha menshi akina cricket.

Itsinda ritegura irushanwa rya Nyampinga w’u Rwanda ryanatembereje aba bakobwa inyubako nshya ya Kigali Convention Center na Radisson Blu Hotel bahava berekeza i Nyanza mu Rukari aho bigiye byinshi ku mateka yaranze ingoma ya cyami.

Irushanwa rya Nyampinga w’u Rwanda risigaje iminsi itatu gusa rikagera ku musozo, ubu abakobwa bari gukora imyitozo ya nyuma y’ibirori bizatangarizwamo umukobwa uzasimbura Mutesi Jolly wari umaze umwaka afite ikamba.

Aba bakobwa basuye mu Rukari i Nyanza