Abahanzi bagiye bafashwa na Muyoboke Alex mu myaka yashize bahuriye mu gitaramo ngarukamwaka cyiswe ‘Explosion Concert’ ku bufatanye bagiranye na Decent Entertainment ltd.

Nyuma yo gufasha abahanzi benshi akanabateza imbere , Muyoboke Alex yateguye iki gitaramo ahuza Tom Close, Urban Boyz, Dream Boyz na bagenzi babo Big Farious na Jackie Chandiru mu rwego rwo kwerekana ko umuziki atari intambara ahubwo ari umurongo mwiza wo gusenyera umugozi umwe nk’uko yagiye abitangaza.

Iki gitaramo cyitabiriwe ku buryo bushimishije ndetse n’abahanzi bakiririmbyemo bakaba baritwaye neza bashimisha abafana. By’umwihariko abahanzi bari baturutse hanze y’igihugu Jackie Chandiru na Farious baza ku isonga mu bashimishije benshi. Nubwo Chandiru yaririmbye akoresheje CD, yagerageje kubyina anaririmbana ingufu zikomeye ku buryo abafana bari bicaye muri Serena Hotel aho igitaramo cyabereye bahagurutse bamufasha gucinya akadiho.

REBA UKO IKI GITARAMO CYAGENZE:

Camera&Editing: Eliel Sando