Kuri uyu wa 13 Kamena 2024 nibwo VJ Mupenzi yasezeraniye imbere y’amategeko ku biro by’Umurenge wa Nyarugenge na Keithia Kayonga.

VJ Mupenzi na Keithia Kayonga basezeranye imbere y’amategeko mu gihe bateganya kurushinga mu birori by’ubukwe buteganyijwe ku wa 22 Kamena 2024.

Inkuru y’urukundo rwa VJ Mupenzi na Keithia Kayonga zatangiye kuvugwa cyane ubwo aba bombi bari batangiye ibirori bya Sunday Churche byaberaga ku i Rebero ahitwa Pegase Resort Inn.

Aba bongeye kumenyekana ubwo bari bamaze gufungura akabari kabo bari bise Boogaroo kabarizwaga i Gikondo aho benshi bita muri Mundi Center, mbere y’uko bakimura bakagahindurira izina uyu munsi bakaba bafite akitwa ‘Inferno Lounge Bar’.

Aba ariko kandi babinyujije muri sosiyete yabo bise ‘M&K’ bateguye amarushanwa y’aba DJs bise ‘DJ’s Battle Competition’ ryegukanywe na Selecta Danny mu 2022.

Iri rushanwa ryiyongera ku birori byo kumurika imodoka ‘Kigali Auto Show’ biheruka kubera i Gahanga muri Kanama 2023.

Inshingano zo kwita ku bucuruzi zatumye VJ Mupenzi ajya ukubiri n’ibijyanye no kuvanga imiziki nubwo atagiye kure y’uru ruganda.

VJ Mupenzi yarahiriye kuzabana akaramata na Kayonga Keithia

Kayonga Keithia nawe yarahiriye kuzabana akaramata na VJ Mupenzi

VJ Mupenzi wamamaye mu kuvanga imiziki yinjiye mu bijyanye n'ubucuruzi asa naho ashyize ku ruhande ibyo gucuranga

Kayonga Keithia amaze igihe akundana na VJ Mupenzi banafatanya mu bucuruzi

VJ Mupenzi na Kayonga Keithia bari mu myiteguro y'ubukwe bwabo