Umwe mu bazatuma Abaturarwanda baryoherwa n’impera z’icyumweru ni Umunya-Afurika y’Epfo witwa Success SA uri mu bagezweho mu kuvanga imiziki.

Uyu mukobwa ategerejwe mu gitaramo kizabera muri Kigali Universe ku wa 2 Gicurasi 2026, yakuriye mu Mujyi wa Phuthaditjhaba wo mu Ntara ya Free State muri Afurika y’Epfo.

Kuba umuhanga mu bijyanye no kuvanga imiziki si impanuka kuri uyu mukobwa kuko yabikomoye kuri se na we wakoraga aka kazi.

Success SA yatangiye gukunda umwuga wa se, ubwo yari afite imyaka itandatu y’amavuko, nyuma yaje kubyinjiramo mu buryo bweruye mu 2017 ubwo yari afite imyaka 14 gusa.

Kugeza ubu uyu mukobwa w’imyaka 23 ni umwe mu bagezweho mu muziki wa Afurika y’Epfo.

Uretse ibyo kuvanga imiziki, uyu mukobwa yanagiye akora ku ndirimbo nka ‘Mbuzi’ yahuriyemo na Ice Beats Slide mu gihe anaherutse gusohora album yise ‘Dreams are free’.

Byitezwe ko uyu mukobwa azava i Kigali akomereza ibitaramo bye muri Australia byibuza azakorera bitatu muri Gicurasi 2026.

Success SA ategerejwe gutaramira i Kigali

Success SA ni umwe mu bakobwa bagezweho mu muziki wa Afurika y'Epfo

Success SA ni umwe mu bavanga imiziki bikanyura abatari bake