Umuhanzi Alexis Dusabe yakoreye igitaramo cya LIVE cyo kumurika Album ye ya kabiri muri Serena Hotel kuri iki cyumweru tariki ya 30 Kamena 2013. Iyi Album yayise “Njyana I Gorogota.”

Dusabe yaririmbye indirimbo zirenga 20 zari zateganijwe, zirimo ize zo kuri album ye ya mbere nka Mfite Umukunzi, umuyoboro, Kuki turira, Nzajya niringira n’izindi.

Yaririmbye kandi n’izo kuri album ye nshya ya kabiri, zirimo nka Njyana i Gologota, Nkomeza, Uraberewe, Yesu araje n’izindi.

Abahanzi baje kumushyigikira barimo Aime Uwimana, Simon Kabera, Bizimana Patient, Dominic Nic, Gaby Kamanzi na Dudu wari waturutse mu Burundi,.

Amwe mu mafoto:

Aha Dominic Nic yari akikiye abakobwa ba Alexis Dusabe

Iki gitaramo kiri mu bitaramo byari byarateguwe; aba ni abaririmbyi bafashaga Alexis Dusabe

Dusabe yaririmbye anicurangira gitari nk'uko asanzwe abimenyereweho

Mu kumurika Album ye ya kabiri, Dusabe yaririmbye indirimbo ze zirenga 20 zagiye zikundwa

Abantu babonye umwaya wo kuramya no guhimbaza Imana babinyujije mu ndirimbo za Alexis Dusabe

Uwinjiraga wese yahabwaga CD y'indirimbo za Dusabe, CD isa nk'iyi iri mu biganza by'uyu mugore uri bari bashimishijwe n'indirimbo z'umuhanzi Dusabe

Umugore wa Alexis Dusabe nawe yari ari mu banyuzwe n'igitaramo nk'uko bigaragara ku ifoto

Umuhanzi Dominic Nic nawe ari mu baririmbye muri iki gitaramo cya Alexis Dusabe

Abantu b'ingeri zose bari bitabiriye iki gitaramo; aha aba babyeyi bagaragaje ko bishimiye iki gitaramo

Mani Martin nawe ari mu bahanzi bari bitabiriye iki gitaramo; we na Gaby bari banyuzwe n'uyu muziki wa LIVE

Bisa nk'ibitari bimenyerewe cyane muri Gospel, abantu bitabiriye iki gitaramo bashyirwagaho ikimenyetso ku ntoki