Umuhanzi ukomoka mu gihugu cy’u Burundi ‘Nduwimana David’ uririmba indirimbo zihimbaza Imana, yashyize hanze album ye ya kabiri yise “Yesu ni inyishu”, ndetse iboneka ku masoko yo mu gihugu cy’u Burundi.

Uyu muhanzi wamenyekanye cyane mu ndirimbo zifite n’amashusho zikubiye kuri album ye ya mbere yise ‘Ni wewe nizigira’, aratangaza ko yamaze gusohorera mu Burundi album ye ya kabiri ikubiyeho indirimbo nka ‘Ico nifuza’, ‘Mwami ndaje’, ‘Naratoranijwe’, ‘Yesu ni inyishu’, n’izindi anateganya ko mu minsi ya vuba azayigeza ku bakristo n’abakunzi be bo mu Rwanda mu gitaramo ahateganya.

Nduwimana David ni umuhanzi umaze imyaka 12 ahimbaza Imana, akaba yaratojwe na Apostle Appollinaire Habonimana, umwe mu bafatwa nk’inararibonye mu muziki wo guhimbaza Imana mu Burundi no muri aka karere k’ibiyaga bigari.

Nduwimana David amurika album ye i Burundi

Umva indirimbo ye "Mwami ndaje" hano: