Iki gitaramo cyahawe izina rya Gospel Flava, cyabereye muri Serena Hotel ku Cyumweru tariki ya 19 Ukwakira 2014 aho benshi mu bacyitabiriye banyuzwe n’ubutumwa bwahatangiwe mu ndirimbo no mu nyigisho zo kugororokera Imana bahawe.

Cyateguwe hagenderewe guhuza abantu ngo bishime ariko banashimira Imana mu buryo butandukanye. Gospel Flava cyakozwe ku bufatanye bwa Moriah Entertainment na Positive Production.

Iki gitaramo kandi cyabaye umwanya mwiza ku matsinda yari amaze igihe atigaragaza ku rubyiniro afatanyije mu muziki, aho nka The Sisters (Gabby Kamanzi, Aline Gahongayire, Tonzi na Fanny) bahuriye ku rubyiniro rumwe benshi birabaryohera.

Cyanagaragayemo abahanzi bakomeye mu muziki w’indirimbo zihimbaza Imana nka Patient Bizimana, Serge Iyamuremye, Eddie Mico, Alice, Blessed Sisters, umu-Dj w’indirimbo zihimbaza Imana bita Spin, umunyarwenya Ramjan ndetse n’amatsinda abyina nka The Blessings , Shinning Stars n’abandi bahanzi bakizamuka.

Aragerageza gufata ifoto y'urwibutso

Ikiganza giha amashimwe Yesu mu kirere

Ubwitabire bwari bushimishije nubwo imvura yari yaguye

Patient Bizimana yaririmbye anicurangira

Cubaka Justin arakora mu murya wa gitari

Aline

Dominic Nic, umuhanzi wamenyekanye cyane mu ndirimbo 'Ashimwe'

Serge Iyamuremye

Gabby, Tonzi, Fanny na Gahongayire

Judo Kanobana, Pastor P na King James bari batwawe n'umuziki wa Gospel