Patmos Of Faith ni Itorero rikorera mu Rwanda riyobowe na Pastor Nsabimana Jean Bosco rifite icyicaro ku Muhima kuri Yamaha, kuva tariki ya 1 Ukuboza kugeza ku ya 7 Ukuboza 2014 rifite igiterane ngarukamwaka cyitwa RITURA.
Mu kiganiro twagiranye Pastor Jean Bosco umuyobozi w’iryo torero ari na we uzaba uyoboye icyo giterane yadutangarije ko kizaba kigamije gufasha abakristo kwinjira mu mwaka wa 2015 basingira imigabane yabo banaritura/bavanaho ibyari byarabazitije kugera ku masezerano yabo.
Muri icyo giterane kizajya gitangira buri munsi kuva isaa tatu za mugitondo kugeza saa mbiri z’ijoro, cyatumiwemo abigisha ku rwego mpuzamahanga barimo Archibishop IDEM Ikon wo muri Nigeria, Pastor Muni Joshua wo mu Buhinde,Pastor Kamanzi w’i Burundi na Bishop Maphi.
Hazaba kandi hari abahanzi barimo Thacien Titus, Murwanashyaka Faustin, Mama Zulu, Idalabo uzava Nigeria n’amakorali nka Patmos Choir, Angels Melody Choir, Light choir, Worship team yo kuri iryo torero.
TANGA IGITEKEREZO