Ku mugoroba wo kuri uyu wa Gatanu tariki ya 21 Ugushyingo 2014 nibwo hatangajwe ku mugaragaro abahanzi bahatanira ibihembo by’abahanzi baririmba indirimbo zo kuramya no guhimbaza Imana bizwi nka “Groove Awards Rwanda” muri uyu mwaka wa 2014.
Ni ku nshuro ya kabiri Groove Awards- Rwanda igiye guha ibihembo abahanzi b’indirimbo zihimbaza Imana bakoze neza kurusha abandi mu byiciro 14 bitandukanye.
Buri cyiciro muri 14 bihatanirwa harimo abantu batandatu bagomba kuzatorwamo umwe uzatwara igikombe. Muri uyu mwaka wa 2014 nta mafaranga azahabwa uzatwara igikombe gusa umwaka utaha wa 2015 ubuyobozi bwa Groove Awards Rwanda bwijeje abahanzi ko hazatangwa ibihembo bikomeye mu rwego rwo kurushaho kuzamura iterambere rya muzika nyarwanda mu ndirimbo zihimbaza Imana.
Abazegukana igihembo cy’umuhanzi w’igitsinagabo n’uw’igitsinagore w’umwak, bazahembwa gukorerwa igitaramo ku buntu, kubahuza n’abanyamakuru no kubakorera indirimbo mu majwi n’amashusho. Abo mu bindi byiciro nta gihembo cyatangajwe bazabona gusa ngo birahari nk’uko Pastor Kaiga John ukuriye akanama nkemurampaka aherutse kubitangariza abanyamakuru.
Mbere gato yo gutangaza abahatana mu byiciro bitandukanye, babanje kwibuka umunyamakuru Patrick Kanyamibwa witabye Imana akaba yari umwe mu bakoraga akazi gakomeye mu itegurwa ry’ibi bihembo.
Gutora byahise bitangira bikazasozwa saa sita z’ijoro ryo ku itariki ya 20 Ukuboza nk’uko Pastor Kaiga John yabitangaje. Gutanga ibihembo nyir’izina bizaba tariki ya 21 Ukuboza 2014 muri Serena Hotel i Kigali.
Urutonde rw’abahatanira Groove Awards Rwanda 2014:
1.UMUHANZI W’UMWAKA
Bahati Alphonse
Eddie Mico
Ndabarasa John
Thacien Titus
Patient Bizimana na
Serge Iyamuremye.
2.UMUHANZIKAZI W’UMWAKA
Aline Gahongayire
Gaga Grace
Gaby Kamanzi
Gogo Gloria
Liliane Kabaganza na
Uzamukunda Goreth
3. KORALI Y’UMWAKA
Besalel (ADEPR Nyanza)
IRIBA (ADEPR Taba Butare)
Chorale de Kigali
Jehovah Jireh (CEP ULK)
Maranatha Family Choir
True Promises
4. UMUHANZI UKIZAMUKA W’UMWAKA
Anointed Vessels (Group)
Bahati (Wahoze muri Just Family)
Ezra Joas Niyongabo
Gaga Grace
Isaac Mudakikwa
MD Mugema Dieudonne
5. INDIRIMBO Y’UMWAKA
Amagambo yanjye by Patient Bizimana
Gorogota ya Besalel Choir
Mana urera by True Promises
Mpisha mu mababa by Thacien Titus
Turakwemera by Jehovah Jireh ULK
Yadukoreye ibikomeye by Sauni mu Cyahafi.
6. INDIRIMBO YO KURAMYA Y’UMWAKA
Agahe by Nelson Mucyo
Amagambo yanjye by Patient Bizimana
Gorogotha by Besalel
Ndakwemereye UCC
Uri Imana by Injiri Bora
Uruwera by Murwanashyaka
7. UMUHANZI/ITSINDA MU NJYANA GAKONDO Y’UMWAKA
Asaph Ubumwe
Ivan Ngenzi
Ndabarasa John
Shekinah Dance
Singiza
The Blessings Family
8. INDIRIMBO YA HIP HOP Y’UMWAKA
Humura by Jackson
ID by Patrick Bright ft Gaby Kamanzi
Kutumvira by MD
My King by Blaise Pascal
Ntamupaka by The CHRAP
Uratabawe by Karyango Bright.
9. INDIRIMBO Y’AMASHUSHO Y’UMWAKA
Arampagije by Serge Iyamuremye
Kipenzi by Bigizi Gentil
Mpisha mu mababa by Thacien Titus
Ndiho by Bright Patrick
Network by Musabe
Yego by Roy Olivier
10. PRODUCER MWIZA W’INDIRIMBO Z’AMAJWI
Bill Gates (Gates Music Studio)
Camarade (BNG Records)
Johnson Rukundo
Leopold
Nicolas Mucyo
Samu Ndikumukiza
11. ITSINDA RIBYINA RY’UMWAKA
Asaph Drama Tean
Shekinah Dance
Shinning Stars
The Blessings
The Soldiers na
Zion Del,stars(Zds)
12. IKIGANIRO CY’UMWAKA CYA RADIO YA GIKRISTO
Gospel Time Show- Isango Stas
Himbaza- Inkoramutima
Ten Gospel Show- Radio 10
Top Stories Umucyo Radio
Umuhanzi w’icyumweru- Authentic Radio
Weekend Relax – Sana Radio
13. UMUNYAMAKURU W’UMWAKA WA RADIO
Ayyaba Paulin
Flora Ndutiye
Justin Belis
Nakure Pasiko
Neema Marie Jeanne
Ntirenganya Ange Daniel
14. URUBUGA RWA GIKRISTO RW’UMWAKA
www.agakiza,org
www.ibyishimo.com
www.ubugingo.com
www.umugisha.com
Amafoto: Hubert Rene
TANGA IGITEKEREZO