Urubuga Forbes rwashyize ahagaragara uru rutonde rugaragaza ko Angelina Jolie ari we uza ku isonga mu bahembwa agatubutse muri Sinema na miliyoni 33 z’Amadorari, mu gihe mugenzi we w’umugabo Robert Downey Jr yinjije agera kuri miliyoni 75 z’Amadolari.

Hifashishijwe urutonde rwakozwe rw’abagore bahembwa neza mu bakinnyi ba filimi bo muri Hollywood, bigaragara ko abagore bahembwa make cyane ukurikije ayo abagabo bahembwa.

Urubuga 7sur7 rwanditse ko urutonde rwakozwe hashingiwe ku mafaranga abakinnyi ba Sinema binjije hagati y’umwaka wa 2012 na 2013, rugaragaza ko abagore bagihembwa make ugeranije n’abagabo.

Umwaka ushize Tom Cruise na Kristein Stewart babaye aba mbere, Tom afite agera kuri Miliyoni 75 z’amadorari naho Stewart afite 34.5 binjije.

Abakinnyi b’amafilimi b’abagabo binjije nk’aya Angelina Jolie ni abaherereye munsi y’10 ba mbere barimo; Denzel Washington uri ku mwanya wa 9 na miliyomi 33 yinjije na 32 zinjijwe na Liam Neeson , mu gihe ku rutonde rw’abagore icumi ba mbere harimo n’abinjije miliyoni 11 z’amadorari aha bavuze Kunis Mila na Julia Roberts bari ku mwanya wa 9.