Umuraperi Andre Romelle Young wamamaye ku izina rya Dr.Dre yongeye guca agahigo aza ku isonga ry’abahanzi binjije amafaranga menshi kurusha abandi mu mwaka wa 2014, nyuma y’uko mu mezi ashize yabaye uwa mbere mu baraperi bafite umutungo mwinshi ku Isi.

Ikinyamakuru Forbes Magazine gisanzwe gikora intoned z’abaherwe mu nzego zitandukanye, cyagaragaje ko Dr.Dre ari we muhanzi ku Isi winjije amafaranga menshi mu mwaka wa 2014. Yinjije amadorali 620,000,000, uyashyize mu mafaranga y’u Rwanda ahwanye na 428,420,000,000.

Uyu muraperi arusha Beyonce wa kabiri 500,000,000 z’amadorali dore ko we yinjije miliyoni 115 z’amadorali. Uyu muhigo Dr.Dre awugezeho abikesha ahanini miliyari eshatu z’amadorali yahawe na Sosiyete ya Apple yaguze Beats (utwumvisho ‘headphones’) ze mu mezi ashize.

Jay Z umugabo wa Beyonce ari ku mwanya wa 12 na miliyoni 60 z’amadorali mu gihe umugore we yabaye uwa kabiri ndetse agahiga benshi mu bahanzi b’abaherwe bamurusha izina no gukomera mu muziki.

Ku mwanya wa gatatu haje itsinda ricuranga Rock rya The Eagles, ryinjije amadorali miliyoni 100, rikurikiwe na Bon Jovi na miliyoni 82. Ku mwanya wa gatanu hari umuhanzi Bruce Springsteen winjije miliyoni 81.

Mu gukora uru rutonde, Forbes yakurikije amafaranga buri muhanzi yinjije mu mwaka wa 2014 abikesha ibitaramo yakoze, uburyo yacuruje indirimbo ze, amafaranga yasaruye mu kwamamaza no mu bindi bikorwa bitandukanye byinjije amafaranga.

Abahanzi Britney Spears, Avicii, Kanye West, Madonna, Macklemore, David Guetta, Lil Wayne, Tiesto na Birdman ntibagaragaye kuri uru rutonde mu gihe ubwo iki kinyamakuru cyakoraga iki cyegeranyo bari mu batekerezwaga ko bazaza mu ba mbere.

Urutonde rw’abahanzi binjije menshi muri 2014:

1. Dr. Dre ($620 million)
2. Beyoncé ($115 million)
3. The Eagles ($100 million)
4. Bon Jovi ($82 million)
5. Bruce Springsteen ($81 million)
6. Justin Bieber ($80 million)
7. One Direction ($75 million)
8. Paul McCartney ($71 million)
9. Calvin Harris ($66 million)
10. Toby Keith ($65 million)
11. Taylor Swift ($64 million)
12. Jay Z ($60 million)(tie)
12. Diddy ($60 million)(tie)
12. Bruno Mars ($60 million)(tie)
15. Justin Timberlake ($57 million)
16. Pink ($52 million)
17. Michael Bublé ($51 million)
18. Rihanna ($48 million)
19. Rolling Stones ($47 million)
20. Roger Waters ($46 million)
21. Elton John ($45 million)
22. Kenny Chesney ($44 million)
23. Katy Perry ($40 million)
24. Jason Aldean ($37 million)(tie)
24. Jennifer Lopez ($37 million)(tie)
26. Miley Cyrus ($36 million)(tie)
26. Celine Dion ($36 million)(tie)
28. Muse ($34 million)(tie)
28. Luke Bryan ($34 million)(tie)
30. Lady Gaga ($33 million)(tie)
30. Drake ($33 million)(tie)