Eddy Kenzo, umuhanzi wo muri muri Uganda umaze kubaka izina mu buryo bukomeye muri Afurika araririmba mu biroro bikomeye byo gufungura ku mugaragaro imikino y’Igikombe cya Afurika igiye gukinirwa muri Guinea Equatorial.

Uyu muhanzi ni umwe mu bikomerezwa bya muzika muri Afurika byemejwe ko bigomba kuririmba iyi mikino itangizwa ku mugaragaro. Kuri uyu wa Gatanu tariki ya 16 Mutarama, Kenzo na mugenzi we Kakie wo muri Ghana, baririmbiye abakinnyi ba Gabon.

Igikombe cy’Afurika kiratangira gukinwa ku mugoroba wo kuri uyu wa Gatandatu tariki ya 17 Mutarama kugera ku ya 8 Gashyantare 2014.

Iyi mikino yagombaga kwakirwa na Maroc iza gusaba ko yakwigizwa imbere kubera icyorezo cya Ebola kibasiye Afurika. CAF yatsimbaraye ku gihindura amatariki, Maroc itangaza ko itazacyakira.

Maroc yahise isezererwa muri iyi mikino, Guinea Equatorial yitabira iyi mikino nk’igihugu cyakiriye.

Muri Nyakanga, Guinea Equatorial yari yasezerewe mu majonjora yo gushaka itike y’igikombe cy’Afurika kuko yakinishije umukinnyi utemewe, Thierry Fidieu Tazemeta, wavukiye muri Cameroun, ubwo bakinaga na Mauritania tariki ya 17 Gicurasi 2014.

Iyi mikino izajya ibera mu Mijyi ine Malabo, Bata, Mongomo na Ebebiyin.

Uyu munsi harakina amakipe Guinea Equatorial na Congo Brazzaville ku isaha ya saa kumi n’imwe ku isaha y’i Kigali.