Ubwo umuhanzi w’icyamamare mu Karere ka Afurika y’i Burasirazuba, Kidum, yajyaga kureba Dr Kioni mu bitaro Kenyatta, kuri uyu wa Mbere, yasabwe ko yahita ajya kwibagisha mu mihogo ritararenga.

Amaze gucishwa mu cyuma, Kidum yahise yoherezwa mu bitaro bya Karen biri i Nairobi.

Kidum amaze gucishwa mu cyuma yahise asabwa kwibagisha mu mihogo bikiri mu maguru mashya

Kidum, uri mu bahanzi b’inararibonye bari bagize akanama nkemurampaka mu marushanwa ya Primus Guma Guma Super Star III, yahise atangaza ko abaye ahagaritse kuririmba mu igihe gito, anasaba abafana be kumuba hafi bakanamusabira.

Aganira na IGIHE, Ahmed Pacifique, umujyanama w’uyu muhanzi, yavuze ko Kidum arwaye indwara nk’iyo icyamamare R Kelly giherutse kurwara, mu mihogo, iterwa n’ubukonje bwinshi.

Ati “Ni nka angine ariko yabaye nyinshi”.

Yongeraho ati “Yari abimaranye igihe ariko yajyaga arwara gatoya agafata imiti, ariko ubu ni nk’aho byamurenze, ariko barabibaga bigakira”.

Kidum ati “Icyemezo kimaze gufatwa na Dogiteri Kioni ko ngomba kwibagisha mu maguru mashya. Kwibagisha bizabera mu bitaro bya Haren. Munsengere nshuti!”

Kidumu we yatangaje ko impamvu umuganga yamusabye kwihutira kwibagisha mu mihogo ari uko basanze iyi ndwara isa nk’aho imaze kurengerana.

Kidum avuga ko byatewe no kuririmba uruherekane rw’ibitaramo byinshi no muri za Karaoke (gusubiramo indirimbo zakunzwe) ataruhuka.

Abinyujije kuri facebook, Kidum yagize ati “Mana mushobora vyose! Ntaco natanze kuri wewe ngo mvuke ndi muzima, ntaco naguhaye ngo umpe ijwi nongere ntungwe naryo mu kuririmbira amakungu yose aho ava akagera, hari benshi bavukanye ubumuga bwinshi butandukanye kandi ari nabo bama bari imbere kugusenga no kugushimira ku kuntu wama ubagirira neza bongera bahayagiza ubwiza bwawe Mana y’imbabazi. Ndishize mu biganza vyawe ni wewe uzi igituma ibi vyose biraka biraba. Niwewe uzi imigambi ufise kuri jewe. Nibibe nk’uko wewe ubishaka ntibibe nkuko jewe nshaka! Imana ihabwe icubahiro!”