Miley Cyrus umuhanzi uzwiho gukora udushya dutangaje no kuririmba yiyambitse mu buryo bw’urukozasoni yatunguye ab’i Guadalajara muri Mexico ajya ku rubyiniro yashyize ku zuru igikinisho kimeze nk’igitsina cy’umugabo.

Nk’uko ibinyamakuru birimo Daily Mail byabitangaje, ni nyuma y’uko mu cyumweru gishize uyu muhanzi yagiye ku rubyiniro mu gitaramo yakoreye muri Monterrey akenyeye ibendera ry’iki gihugu, igikorwa cyafashwe nko gusuzugura Mexico.

Mu kindi gitaramo uyu mukobwa yakoze ku Cyumweru mu Murwa mukuru wa Guadalajara yatunguye benshi ubwo yageraga imbere y’abafana yambaye agakanzu kameze nk’igisarubeti gifite ikariso, amataratara y’umukara atarimo ibirahuri arangije azirikana igikinisho kimeze nk’igitsina cy’umugabo ku mazuru ye.

Miley yatunguye benshi muri Mexico

Gusuzugura ibendera rya Mexico ashobora kuzahanishwa igifungo cy’iminsi 36 n’ihazabu y’amadorali 1,200 nk’uko TMZ ibitangaza.

Ibitaramo Miley Cyrus yise Bangerz Tour bizakomereza i Sao Paulo muri Brazil kuwa Gatanu tariki ya 26 Nzeri 2014. Azakurikizaho muri Chile na Argentina mbere y’uko yerekeza muri New Zealand na Australia hanyuma ku itariki ya 23 Ukwakira aririmbire mu Mujyi wa Perth ho muri Australia.