Urubuga Forbes rwashyize ahagaragara urutonde rw’ibyamamare byapfuye ari abaherwe kurusha abandi, Michael Jackson aza ku mwanya wa mbere.

Michael Jackson uza ku isonga yinjije miliyoni 160 z’amadorali mu mwaka ushize, hiyongereyeho n’ayo yinjije mu myaka ibiri nyuma y’urupfu rwe, ayo yose akaba yaratumye ahiga abandi ku rutonde rw’abahanzi bapfuye ariko kugeza ubu bakinjiza amafaranga menshi, akaba yararushije Madona (ariko ukiriho) winjije umwaka ushize agera kuri miliyoni 125 z’amadorali.

Igice kinini cy’amafaranga umwami w’injyana ya Pop, Michael Jackson yinjije cyaturutse ahanini ku bitaramo byo kumwibuka byagiye bikorwa nyuma y’urupfu rwe bizwi ku izina rya « One », andi mafaranga yagiye yinjiza ni ay’ibikorwa yasize akoze akiriho ariko bikinjiza nyuma, igurishwa ry’indirimbo ze n’ibindi.

Michael Jackson akurikiwe ku rutonde n’ibyamamare nka Elvis Presley winjije agera kuri miliyoni 55 z’amadorali, Charles Schulz winjije 37 z’amadorali, Elisabeth winjije 25 z’amadorali ndetse na Bob Marley winjije agera kuri 18 z’amadorali.

Urubuga huffingtonpost.com rwanditse ko abandi bagiye bagaragara kuri uru rutonde ni nka Marilyn Monroe, Albert Einstein na John Lennon batashyizweho ayo binjije.

Madona yageranyijwe na Michael Jackson wapyuye, bagira ngo bagaragaze ko yinjije menshi ariko akarushwa na nyakwigendera.