Uyu mukobwa w’imyaka 36 yabishyize hanze abinyujije ku rubuga rwa Instagram, yandika ko ari mu munyenga w’urukundo n’uyu musore Kenneth 'Zoo' Petty.

TMZ yatangaje ko ifite impapuro z’urukiko zigaragaza ko mu 1995 uyu musore yigeze kugerageza gufata ku ngufu. Icyo gihe we n’uwo yari agiye guhohotera bari bafite imyaka 16 y’amavuko.

Ubushinjacyaha bwavuze ko ajya gufata ku ngufu uwo mukobwa yashatse gukoresha urwembe. Icyo gihe yamaze imyaka ine akora ibihano muri gereza iherereye i New York.

Mu 2006 yongeye gukatirwa indi myaka irindwi azira kwica umuntu ava muri gereza mu 2013.

Nicki Minaj yagiye mu rukundo n’abasore batandukanye barimo Meek Mill, Safaree Samuels na Nas.

Mu minsi yashize higeze no guhwihwiswa ibihuha by’uko akundana na Lewis Hamilton umenyerewe mu masiganwa y’imodoka azwi nka Formula One.