Muri Mata nibwo Peter yafatanye mu mashati n’impanga ye Paul baririmbana muri P Square bakizwa n’ababyinnyi babo. Kurwana kwabo byatewe n’ukutumvikana kwabaye hagati yabo kubera mukuru wabo Jude Okoye wari watashye ubukwe bwa Paul nyamara yaranze gutaha ubwa Peter.

Kuri uyu wa Kane Tariki ya 17 Nyakanga 2014 nibwo Jude Okoye yasezeranye n’umugore we Ifeoma Umeokeke maze Peter Okoye (murumuna we) na we amwishyura ibyo yamukoreye yanga kubutaha mu gihe impanga ye Paul Okoye we yabutashye.

Benshi mu bahanzi bakomeye muri Nigeria barimo J Martins, Mr Flavour, Pyhno, Julius Agwu , Paul Okoye(P Square) n’abandi, bagiye muri Oba, muri Leta ya Anambra ari naho ubu bukwe bwa Jude Okoye bwabereye.

Jude Okoye(wambaye ingofero y'umukara) ni we wakoze ubukwe

Benshi mu bafana ba P Square, abakurikiranira hafi muzika muri iki gihugu, batunguwe no kubona Paul Okoye ashyize kuri Instagram amafoto ari kumwe n’abahanzi b’ibyamamare muri ubu bukwe bakaburamo Peter Okoye.

Nyuma y’iminota 14 Paul Okoye amaze gushyiraho aya mafoto y’uko byifashe mu bukwe bwa mukuru wabo, Peter Okoye na we yahise yerekana ko atabutashye, ashyira kuri Instagram ifoto yibereye ahandi hantu.

Mu bitekerezo byashyizwe kuri iyi foto ya Peter, benshi bamututse ibitutsi bikomeye, abandi bakamwita umugabo gito ndetse umubare munini w’ibitekerezo bisaga 1500 byashyizweho, bakaba bamusaga guca bugufi akareka urwango agifitiye mukuru we dore ko yanze gutaha ubukwe bwe amwishyura ko na we(Jude Okoye) yanze gutaha ubwe.

Julius Agwu, Pyhno , Paul Okoye(P Square), Mr Flavour n'ibindi byamamare batashye ubu bukwe ariko Peter ntiyahabonetse

Ubukwe bwa Peter Okoye na Lola Omotayo ntabwo Jude yabutashye bibabaza uyu mugore

O Set indirimbo nshya ya Pyhno ft P Square:

Foto:Instagram/Paul