Uyu muhanzi yari aherutse gucibwa indishyi ihwanye n’amadolari miliyoni 1.1 nyuma y’uko yatsinzwe urubanza yarezwemo n’umwe mu bagore bagiranye ibihe byiza bakaryamana badakoresheje agakingirizo bikamuviramo kwandura virusi ya ‘herpes’ iri mu za mbere zizahaza cyane mu zandurira mu busambanyi.

TMZ yatangaje ko uyu mugore yasubiye mu rukiko asaba ko indishyi yahawe zazamuka zikagera kuri miliyoni 20 z’amadolari nyuma y’uko yagiye kwisuzumisha abaganga bagasanga yaranduye virusi ya ‘herpes’.

Uyu mugore yavuze ko izi ndishyi zigomba kuzamuka zikagera kuri miliyoni 20 z’amadolari kugira ngo abashe kwivuza neza ndetse yishyure na bimwe mu bizame amaze iminsi akoresha mu bitaro bitandukanye hakiyongeraho n’impozamarira ku bw’ibibazo yatewe na Usher.

Ikirego cya Usher cyamenyekanye tariki ya 19 Nyakanga 2017, ibye n’uyu mugore byatangajwe bwa mbere n’ikinyamakuru Radar Online gusa ngo yari amaze imyaka itanu arezwe kuko ibyo ashinjwa yabikoze mu 2012.

Usher [Usher Raymond IV] w’imyaka 38 yakunzwe bikomeye mu ndirimbo ‘Confessions’, yigeze kwivuza indwara ya herpes hagati mu mwaka wa 2009 na 2010; ikirego cye kigaragaza ko muri icyo gihe yaryamanye n’abagore batandukanye adakoresheje agakingirizo arabanduza gusa umwe muri bo yamujyanye mu rukiko bituma acibwa amafaranga.

Usher arasabwa kwishyura miliyoni 20 z'amadolari azira kuryama n’umugore akamwanduza indwara ikomeye

Icyaha Usher ashinjwa ngo gihanwa n’amategeko muri California ndetse bihanishwa igihano kiremereye iyo umugabo cyangwa umugore yanduje nkana mugenzi we virusi iyo ariyo yose binyuze mu mibonano mpuzabitsina.

Iyi ndwara ya herpes Usher yayanduye nyuma yo gutandukana n’uwahoze ari umugore we witwa Tameka Foster, ngo yarivuje arakira ariko yayikwirakwije muri benshi. Ubu afite undi mugore bashakanye mu 2015 witwa Grace Miguel.

Usher afite undi mugore bamaranye imyaka ibiri witwa Grace Miguel