Umukobwa witwa Paulina Vega wari uhagarariye igihugu cya Colombia ni we wegukanye ikamba rya Miss Universe umwaka wa 2014 ahigitse abakobwa 87 yari ahanganye na bo.

Uyu mukobwa w’imyaka 22 y’amavuko yambitswe iri kamba mu ijoro ryo kuri iki Cyumweru tariki ya 25 Mutarama 2015 mu birori byabereye mu Mujyi wa Miami muri Leta Zunze Ubumwe za Amerika.

Paulina yagaragiwe n’ibisonga bine : igisonga cya mbere ni Nia Sanchez(USA), icya kabiri Diana Harkusha(Ukraine), icya gatatu Yasmin Yerheijen(Netherlands) na Kaci Fennell(Jamaica) wabaye uwa kane.

Paulina Vega asimbuye kuri uyu mwanya Gabriela Isler wo mu gihugu cya Venezuela wabaye Miss Universe umwaka wa 2013.

Paulina Vega afite uburebure bungana na metero imwe na sentimetero 80 (1,80m). Yegukanye indi myanya irimo Miss Atlántico 2013 na Miss Colombia 2013.