00:00:00 IGIHE NETWORK KN KINYARWANDA EN ENGLISH FR FRANCAIS

Umunyarwandakazi Judith Heard yateranye amagambo n’abantu kubera amafoto ye yambaye ubusa

Yanditswe na Uwiduhaye Theos
Kuya 14 November 2018 saa 01:22
Yasuwe :

Kantengwa Judith Heard umaze kubaka izina mu kumurika imideli muri Uganda, yakozanyijeho n’abamwibasiye bongera kuzana amafoto ye yambaye ubusa yashyizwe hanze n’uwari umukunzi we.

Aya mafoto ya Judith Heard yagiye hanze muri Gicurasi akurura impaka ku mbuga nkoranyambaga muri Uganda.

Gusa byaje gukekwa ko yaba yashyizwe hanze n’umusore bigeze kukanyuzaho mu rukundo washyize andi hanze mu 2013 nabwo bigateza impagarara.

Muri Gicurasi uyu mwaka aya mafoto ajya hanze, Heard wari uherereye mu Bufaransa mu bikorwa byo kumurika imideli yanditse kuri Instagram ko ababajwe n’uburyo mu binyamakuru ari kwibasirwa aryozwa amafoto nk’aya nyamara abantu bakirengagiza ibikorwa by’ingiramakamaro yari amazemo iminsi.

Yaje gusaba imbabazi umuryango we n’abafana avuga ko ari umugambi w’abanzi be bashakaga kumushyira hasi ariko ukaba utagezweho.

Ntibyarangiriye aho kuko muri Kanama uyu mugore agarutse muri Uganda yahise atabwa muri yombi asabwa ibisobanuro kuri aya mafoto nyuma ararekurwa.

Ubu, ibinyamakuru bikomeye mu Bwongereza birimo Daily Mail byamwokejeho igitutu bigarura inkuru z’aya mafoto ye, byongera gukurura uburakari kuri uyu munyamideli.

Ibi binyamakuru byavugaga ko yabaye igitambo kubera kwanga kwishyura $ 2 300 ngo amafoto ye adashyirwa hanze, yamara gukwirakwizwa bikamuviramo gutangira gushakishwa.

Screen shots z’inkuru zanditswe muri ibi binyamakuru zakwirakwiye ahantu hatandukanye muri Uganda abantu bavuga ko nibura nawe yabonye amasegonda atanu yo kuvugwa mu binyamakuru bikomeye.

Yahise ajya ku rukuta rwe rwa Instagram yandika ko iyo abantu bashatse kugushyira hasi akenshi aribo bisanga bahindutse abaciriritse.

Ku munsi w’ejo nabwo yongeye kwandika avuga ko ubuzima bwite bw’umuntu n’ubw’akazi akora hari aho biba bihuriye, akomeza avuga ko yanyuze mu bihe birushya akanatekereza ko yatsinzwe.

Akomeza ati “Ariko byari ngombwa kuri njye kubicamo kugira ngo mbashe gukomera.”

Judith Heard Kantengwa afite abana batatu barimo impanga yabyaranye n’umugabo we Dr Alex Heard n’undi umwe yafashe akiyemeza kumurera.

Ubwo yotswagaho igitutu mu minsi ishize yari aherereye i Paris mu bikorwa bya UNESCO Africa Fashion yari yajyenyemo na Stella Atal usanzwe azwi cyane mu guhanga imideli muri Uganda.

Amwe mu mafoto ya Judith Heard yagiye hanze agakurura impaka
Judith Heard ni umunyamideli ubirambyemo
Ubwo yatabwaga muri yombi agasaba imbabazi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .