Professor Jay ni umuraperi akababa amaze n’imyaka ibiri yinjiye mu Nteko Ishinga Amategeko nk’umudepite uhagarariye agace ka w’agace ka Mikumi ko mu Ntara ya Morogoro, ari na ko yavukiyemo.

Ubukwe bwa Professor Jay n’umukunzi we Grace bwabaye kuwa Gatandatu tariki ya 8 Nyakanga 2017, basezeraniye muri Kiliziya ya Mutagatifu Yozefu mu Mujyi wa Dar es Salaam. Aba bombi bakoze ibirori bikomeye byitabiriwe n’abahanzi bakomeye n’abayobozi batandukanye muri Tanzania.

Abahanzi barimo Diamond Platnumz, AY, Harmonize, Sugu [na we w’umudepite akaba n’umwe mu batangije Hip Hop muri Tanzania] baririmbye muri ibi birori. By’umwihariko ubwo AY yaririmbaga, Professor Jay yavuye mu byicaro amufasha kurapa.

Professor Jay w'imyaka 41 yarushinze

AY na we uteganya ubukwe mu gihe cya vuba nubwo ataratangaza itariki nyayo yasabiye umugisha Professor Jay n’umugore we Grace anashimangira ko ‘amwubaha cyane kuko yamubanjirije mu muziki kandi amubera urugero rwiza’.

Mu banyapolitiki bakomeye batashye ubukwe bwa Professor Jay harimo uwahoze ari Minisitiri w’Intebe Lowassa Edward, Umuyobozi wa Chadema Freeman Aikaeli Mbowe, Godbless Jonathan Lema n’abandi.

Edward Ngoyai Lowassa wahoze ari Minisitiri w'Intebe yatashye ubu bukwe

Umuraperi AY yatashye ubu bukwe aranaririmba

Professor Jay yaririmbiye umugeni we

Harmonize yaririmbiye abageni

Lulu wahoze akundana na Kanumba Steven

Diamond yaririmbye 'Marry You' yakoranye na Ne-Yo

Lowasa n'abandi banyepolitike batashye ubukwe bwa Professor Jay

Professor Jay yashimiye Harmonize n'umukunzi be baje kumushyigikira muri ubu bukwe

Ubwo Diamond yaririmbaga abatashye ubukwe bamwuzuyeho

Harmonize n'umukunzi mushya bamaze igihe gito bakundana

Edward Ngoyai Lowassa ubwo yasuhuzaga abageni