Nicki Minaj yerekanye amabere mu kiganiro kuri Televiziyo

Mu kiganiro "Alan Carr’s Chatty Man Show" mu Bwongereza, Nicki Minaj yafunguye ibipesu maze yerekana amabere.

Uyu muraperi wo mu itsinda rya YMCMB yatunguye abari bakurikiye ikiganiro dore ko bamwe bari imbere ye neza batari kugikurikiranira kuri televiziyo.

Mu nzu ya Michael Jackson hateye abagabo bambaye amakariso

Hashize ibyumweru bitatu abanyamideli batandukanye b’amakariso bageze mu nzu yari ituyemo Michael Jackson ku muhanda wa Carolwood uri mu misozi ya Holmby.

Igitangaje ni uko bose bari abagabo kandi amakariso amwe yagaragazaga ibibuno byabo.

TMZ ivuga ko bari mu myiyerekano y’amakariso y’uruganda ruzwi nka Jo.

Gucci Mane arifuza guterana ingumi n’umuraperi wumva abishaka

Umuraperi Gucci Mane amaze iminsi ahamagara kuri telefone bagenzi be b’abaraperi bafitanye ibibazo.

Ku wa Gatandatu Gucci yanditse kuri Twitter ati "Buri wese yaba inshuti cyangwa undi ndifuza ko twahurira muri "ring" mu iteramakofi. Mushyireho amafaranga. Ni inde ushaka uwo mukino?"

Yaje kongeraho ko amafaranga azava mu mukino azashyirwa mu bikorwa by’ubugiraneza.

Yaranditse ati "Murumva se hari n’umuraperi n’umwe wakanga Gucci?"

Nyina wa Chris Brown aramushyigikiye ku kuba yarigize icyihebe ku munsi wa Halloween

Ubwo Chris Brown yatungukaga mu munsi mukuru wa Halloween yaje yigize nk’Umwarabu w’umuterabwoba byanatumye avugwaho byinshi.

K’ubw’amahirwe kuri we ariko, nyina yaramushyigikiye.

Nyina witwa Joyce Hawkins yanditse kuri Twitter ati "Halloween ni umunsi wo kwishimisha, nta kindi kitari ukwishima. Ubwo se bisobanuye ko twambika abana abacu anka shitani tukanayisingiza cyangwa ni ukwishimisha gusa? Komeza useke malayika (Chris Brown) wanjye."

Nick Cannon agiye gushyira hanze filime ya Drumline 2

Umugabo wa Mariah Carey, Nick Cannon aratangaza ko amaze iminsi ahuze kubera igice cya kabiri cya filime yakunzwe mu bihe byashize yitwa Drumline ndetse n’ikiganiro akora kuri televiziyo imwe yo muri Leta Zunze Ubumwe za Amerika.

Cannon yanditse kuri Twitter ati "Bite byanyu mwe muri kureba Drumline aka kanya? Amakuru ashyushye: Ndi gukora Drumline 2 n’ikiganiro cyo kuri televiziyo VH1. Ntimucikwe!"

Ubutumwa bwa Chris Rock ku bazungu bazatora

Umunyamerika w’Umwirabura umenyerewe muri sinema ndetse no biganiro bisetsa yashyize ahagaragara amashusho yamamaza Barack Obama aho aha ubutumwa abazungu bazatora ababwira ko Obama ari we "mwera" bagomba gutora.

Aho kuvuga ngo "Obama is the right person to vote", yavuze ngo "Obama is the white person to vote"

Ibi Chris Rock abitangaje ku munsi wa nyuma wo kwiyamamaza kw’abakandida Barack Obama na Mitt Romney bahatanira kuyobora Leta Zunze Ubumwe za Amerika muri manda y’imyaka ine iri imbere.