Kuva kuwa Mbere itorero ryo mu cyahoze ari Kaminuza Nkuru y’u Rwanda, riri mu iserukiramuco ribera muri Kaminuza ya Kenyatta University (KU Culture Week Festival 2013), aho riri kurushaho kugaragaza umuco nyarwanda binyuze mu mbyino.

Itorero Inyamibwa riri mu myitozo

Nyuma y’imikino ibiri rimaze gukina, iri torero ryatoranyijwe mu bihugu bike bizaserukirwa ku munsi wo gusoza iri serukiramuco, umunsi uzaba witabiriwe n’abaperezida b’ibihugu banyuranye.

Iri serukiramuco ririmo amatorero 47, yose akazahabwa impamyabumenyi nyuma y’iri serukiramuco rizasozwa kuri iki Cyumweru.

Iri serukiramuco ryitabiriwe n’abantu benshi (audience) bareba ibirori bari hagati y’ibihumbi icumi na cumin a bitatu (10,000 - 13,000).

Kaminuza ya Kenyatta University yigamo abanyeshuri ibihumbi mirongo ine na bitanu (45,000).

Itorero Inyamibwa bavuga ko bishimira amafunguro bahabwa muri Kenyatta University, bati "Umudiho uva mu itako"

Itorero Inyamibwa ryaserukiye u Rwanda mu iserukiramuco muri Kenya

Bimwe mu bitaramo Inyamibwa babyinnye:

Intore zambaye imigara n'amacumu mu ntoki mu mbyino nyarwanda

Hagaragazwa umuco wo gukora, guhinda kw'abanyarwanda bakeza bigaragazwa mu mbino nyarwanda

Imbyino zinyuranye zerekana umuco gakondo nizo zabyinywe n'itorero Inyamibwa ryo mu cyahoze ari NUR

Umwe mu mikino Itorero Inyamibwa ryerekanye rifatanyije na Kaminuza ya Kenyatta

Ibendera ry'u Rwanda rwagati mu mabendera y'ibihugu byaserukiwe muri iri serukiramuco

Umwe mu ntore z'Inyamibwa afite ingoma ye ari ahabereye iri serukiramuco