La Fouine yageze ku rubyiniro nyuma y’abandi bahanze b’Abanyarwanda bari bamubanjirije barimo Angel Mutoni, Okkama, Afrique, Ariel Wayz, Chriss Eazy na Riderman.

Saa 18h00 abantu bari batangiye kugera muri ‘Car Free zone’, ahabereye iki gitaramo. Abitabiriye iki gitaramo babanje gususurutswa n’aba-Dj batandukanye barimo Dj Shooter.

Uyu mugabo w’imyaka 40 yaririmbiye abakunzi be indirimbo ze zakunzwe nka Quand je partirai, Paname Boss, Tous les mêmes, Fierté na Case Départ. Ageze kuri Ma Meilleure yafatanyije na Zaho, abakunzi be barushijeho kugaragaza ibishimo maze batangira kuririmbana na we.

Asoza yahamije ko yishimiye uko yakiriwe, avuga ko Perezida Paul Kagame akwiriye icyubahiro kubwo guteza imbere u Rwanda. Uyu mugabo yavuze ko nagera iwabo azaba intumwa y’ibyiza yabonye mu gihugu.

Kuva La Fouine yagera mu Rwanda yakomeje kurugaragaza nk’igihugu yakunze. Aganira n’itangazamakuru, La Fouine yavuze ko ikintu cya mbere yishimiye ari ukubona ukuntu u Rwanda ari igihugu cyiza, kandi giteye imbere, yibaza uko iterambere abona ryashoboye kugerwaho mu gihe gito gishize, ruvuye mu icuraburindi rya Jenoside yakorewe Abatutsi.

Afrique ni umwe mu bahanzi bagezweho mu Rwanda

Afrique yashimishije benshi mu ndirimbo zakunzwe nka 'Rompe'

Angel Mutoni niwe muhanzi wabimburiye abandi ku rubyiniro

Angel Mutoni yagaragaje ubuhanga mu kuririmba anarapa

Ariel Wayz ni uko yaserutse ku rubyiniro

Ariel Wayz yashimishije benshi mu ndirimbo nka 'Good Luck' aheruka gushyira hanze

Inana ya Chriss Eazy yatumye benshi batangira kubyina

Chriss Eazy ni umwe mu bahanzi batanga icyizere mu muziki nyarwanda

Okkama afata agafoto k'urwibutso

Ku rubyiniro, Riderman yaririmbye indirimbo ze zakunzwe n'abatari bake

Riderman yongeye kwigaragaza nk'umuraperi w'ibihe byose mu Rwanda

La Fouine aririmba indirimbo ze zakanyujijeho

La Fouine ni umuraperi umaze kubaka izina muri muzika y'Igifaransa

Urubyiruko rwagaragarije La Fouine urukundo

Ma Meilleure ya La Fouine na Zaho yazamuye amarangamutima ya benshi

Car Free Zone yo mu Mujyi wa Kigali rwagati yari yuzuye

Iki gitaramo cyitabiriwe n'umubare munini w'abiganjemo urubyiruko

La Fouine yahise ahindura imyenda ku rubyiniro

La Fouine yageze aho yambara imyenda ya Made in Rwanda

La Fouine n'umukobwa we, Fatima ubwo bavaga ahaberaga igitaramo