Kuri uyu wa Gatandatu tariki ya Mbere Nzeri, nibwo hari butorwe Nyampinga w’Afurika y’Iburasuzuba mu gihugu cy’u Bubiligi (miss East Africa Belgium, ku isaga ya saa mbiri za nimugoroba ku masaha yo mu Rwanda.

Iki gikorwa kiraca imbonankubone kuri televiziyo ikorera kuri internet yitwa UnitedAfricaLive.tv, kitabiriwe n’abakobwa bakomoka muri Afurika y’Iburasirazuba batuye mu gihugu cy’u Bubiligi.

Abitabiriye iki gikorwa baturutse mu bihugu icyenda birimo u Rwanda, Burundi, Uganda, Tanzania, Kenya, Djibouti, Eritrea, Ethiopia, ndetse na Somalia.

Abageze kuri ku mpera y’iri rushanwa harimo Umunyarwadakazi Uwera Isabelle, ndetse n’abandi 11 bahagarariye ibindi bihugu twavuze haruguru.

Ibi birori birabera ahitwa Birmingam Palace ho mu Mujyi wa Bruxelle, aho bataramirwa n’umuhanzikazi Butera Knowless, Dr Jose Chameleon wo muri Uganda ndetse na Ray Blaze wo muri Nigeria.