Ugereranyije uburyo cyamamajwe, ukareba uko cyateguwe, ukanareba uko icya mbere cyabereye i Butare cyitabiriwe, igitaramo cya kabiri cyo kumurika Album ya gatatu “Uzambarize Mama” cya Dream Boyz nticyitabiriwe nk’uko byari byitezwe.
Iki gitaramo cyabaye ku mugoroba wo kuri uyu wa gatandatu tariki ya 11 Ugushyingo 2012, muri Parkingi ya Stade y’i Remera Dream Boyz yamuritse Album yayo ya Gatatu.
Ugereranyije abitabiriye iki gitaramo bari munsi y’abantu magana atanu (500), abantu barenga ijana muri VIP n’abandi barenga 300 mu myanya isanzwe.
Iki gitaramo cyatangijwe n’itsinda ririrmba live rya Trezzor, haririmba Tom Close ari kumwe n’itsinda B-Gun, Young Grace, Benzo, Senderi International Hit, Samusure, Knowless, Uncle Austin, Bruce Melody, Jay Polly, Bull Dogg, Sandra Miraji, King James, TBB, Danny Nanone, Allioni, Makanyaga Abdul n’itsinda rye ririmba Live hamwe na Dream Boyz bamurikaga Album yabo.
Reba amwe mu mashusho Dream Boyz baririmba mu gitaramo cyabo:
Uretse abahanzi b’Abanyarwanda bakunzwe nka Riderman, Kitoko, Urban Boyz, Kamichi na Ama-g The Black byari byaramamajwe ko bazaza bataje n’umuhanzi ukunzwe muri Afurika y’i Burasirazuba Eddy Kenzo wo muri Uganda nawe ntiyagaragayemo. Aganira na IGIHE, Platini yavuze ko kutaza mu Rwanda kwa Eddy Kenzo byatewe n’uko ari mu rugendo rutunguranye muri Afurika y’Epfo.
Dream Boyz baririrmbye indirimbo zabo ziri kuri Album zakunzwe nka “No One Like Me”, “Uzambarize Mama”, “Narashatse” n’izindi. Baririmbye ku buryo bwa Live banabyinana n’itsinda ry’ababyinnyi babo.
Aganira na IGIHE, Mike Karangwa yavuze ko ibitaramo byo kumurika Album ku bahanzi bikomeje kutitabirwa. Aha yafatiraga urugero ku gitaramo cya King James kititabiriwe, icya Paccy Oda n’ibindi byabibanjirije. Yavuze ko abahanzi bakwiye gufata izindi ngamba kugira ngo ibi bitaramo bizongere byitabirwe.
Iki gitaramo cyatewe inkunga na Banki y’Abaturage, Tigo, BRALIRWA, IGIHE, Minisiteri y’Umuco na Siporo n’abandi benshi.
TANGA IGITEKEREZO