Ishuri ry’Imari n’Icungamutungo (SFB) ryatoye kuri uyu wa Gatandatu nyampinga mushya, Miss SFB 2013, Wabaye Ingabire Elsie Grace, w’imyaka 21.

Uyu Ingabire yemerewe na Simba Super Market igihembo gikuru cyo gutemberezwa mu gihugu cy’u Bufaransa no mu mijyi ibiri yo muri Espagne ari yo Valencia na Barcelona, mu minsi iri imbere.

Muri ubu butembere nyampinga SFB 2013 azasura inganda zikomeye zikorana na Simba Super Market nka Bruno Vassari n’izindi.

Azishyurirwa itike izamujyana ikanamugarura n’ibyo azakenera byose muri uru rugendo birimo kurya kuryama, gutembera n’ibindi.

Ingabire yanahawe kandi amafaranga ibihumbi magana abiri y’u Rwanda (200,000Rwf), ibikoresho by’isuku n’ibindi bihembo bitandukanye.

Uwabaye igisonga cya mbere ni Gasatura Faith, w’imyaka 23, umukobwa wagaragarijwe igikundiro cyinshi n’abanyeshuri bari mu cyumba cyabereyemo amatora. Gasatura yahembwe amafaranga ibihumbi ijana na mirongo itanu y’u Rwanda (150,000Rwf).

Uhereye i bumoso ni igisonga cya kabiri, Manzi Laurene, hagati ni Miss SFB 2013 Ingabire na Gasatura Faith, igisonga cya mbere

Igisonga cya kabiri cyabaye Manzi Laurene, w’imyaka 21. Yahembwe amafaranga ibihumbi ijana y’u Rwanda (100,000Rwf) n’ibindi bihembo bitandukanye.

Umutoni Aline w’imyaka 21 yegukanye amakamba abiri ari yo Nyampinga uzi kwifotoza neza (Miss Photogenique) na Nyampinga wakunzwe n’abantu benshi binyuze kuri interntet (Miss Popularity).

Murerwa Sandrine nawe yambitswe ikamba rya Nyampinga watowe na bagenzi be, uzi kubana neza n’abandi.

Amwe mu mafoto y’ingenzi:

Nyampinga Ingabire yambikwa ikamba

Nguyu Nyampinga Ingabire wemerewe kuzatembera mu mujyi w'u Bufaransa n'imijyi ibiri ya Espagne

Nyampinga Ingabire

Gasatura Faith wabaye igisonga cya mbere cya Nyampinga SFB 2013

Manzi Laurenne yambitswe ikamba ryo kuba igisonga cya kabiri cya Nyampinga SFB 2013

Umutoni Aline yahawe ibihembo bibiri; icyo kwifotoza n'icy'igikundiro kuri internet

Murerwa Sandrine yambitswe ikamba ryo kubana neza na bagenzi be, ari nabo bamutoye