Kuri uyu wa Gatatu mu Mujyi wa Liège mu Bubiligi barizizihiza bwa mbere isabukuru y’umukambwe Nelson Mandela, umunsi bise «Mandela Day ».

Mubateguye uyu munsi harimo n’Umunyarwandakazi akakaba n’Umubiligi witwa Dominique Celis uherutse kwandika igitabo kuri Jenoside yakorewe Abatutsi yise « Gêneur de Survivants » afatanyije n’abandi bagera kuri batandatu bishyize hamwe bafashijwe n’ubuyobozi bw’Umujyi wa Liège, n’abandi baterankunga mu rwego rwo gusakaza amahoro n’ubworoherane nk’uko umukambwe Mandera aribyo bimuranga.

Nk’uko byemejwe na Loni mu mwaka w’i 2009 niho hemejwe bishyirwa mu nyandiko ko tariki ya 18 Nyakanga hazajya hibukwa ku Isi hose, isabukuru y’amavuko y’uwabaye Umukuru w’Igigihugu cya Afurika y’Epfo w’umwirabura bwa mbere mu mateke y’icyo gihugu, ibi bikaba byarakozwe mu rwego rwo guhana agaciro mu bworoherane n’ubwubahane ku kiremwa muntu, bikaba ari bimwe mu biranga imibereho y’umukambwe Mandela.

Abateguye iki gikorwa bibumbiye mu ishyirahamwe bise « Diversité ASBL » muri icyo gikorwa kiyobowe na Marco Martiniello Umwarimu muri Kaminuza ya ULG n’Umushakashatsi muri FNRS, uzwi nk’umuntu uzi amateka y’Igihugu cya Afurika y’Epfo (Spécialiste de l’Afrique du Sud), kandi bafashijwe n’abandi bakora nta gihembo bakeneye bagera kuri 30 ngo uyu munsi ugere kUntego wiyemeje.

Uyu munsi kuwa Kabiri tariki ya 18 Nyakanga 2012 aho bita Place St-Lambert, guhera saa kumi n’ebyiri z’umugoroba hari buhurire imbaga y’abantu baturutse hirya no hino, haravuzwa ingoma, amakorari y’abana aririmbire umukambwe Mandela, harakorwa uruziga runini rugizwe n’amako y’abantu batuye Isi agera kuri 67, nyuma haraba n’igitaramo cy’abaririmbyi bazwi nka Bai Kamara Jr, Bouldou, Coffee or not, Colline Hill, Monday Morning, Monsieur Dupont, Rorcha et Suarez, ndetse n’abandi.