Théo (Bose babibereba) na Ama-G The Black bakoranye indirimbo

Yanditswe na

Patrick Munyentwari

Kuya 30 Kanama 2013 saa 11:52
Yasuwe :
0 0

Umuririmbi mu ndirimbo zihimbaza Imana, Uwiringiyimana Théogene (Bose babireba) yakoranye indirimbo n’umuhanzi Ama-G The Black ukunzwe cyane muri iyi minsi mu njyana ya Hip Hop mu Rwanda.
Ushobora kwibaza niba iyi ndirimbo yaba ihimbaza Imana cyangwa ari iy’isi?
Nanone bitewe n’indirimbo Ama-G The Black asanzwe azwiho ko aririmba (zitari izihimbaza Imana) wakeka ko kabaye, Théo (bose babireba) yatangiye kugwa cyangwa se yamaze kugwa, nyamara sibyo kuko Theo aracyahagaze ndetse na Ama G (...)

Umuririmbi mu ndirimbo zihimbaza Imana, Uwiringiyimana Théogene (Bose babireba) yakoranye indirimbo n’umuhanzi Ama-G The Black ukunzwe cyane muri iyi minsi mu njyana ya Hip Hop mu Rwanda.

Ushobora kwibaza niba iyi ndirimbo yaba ihimbaza Imana cyangwa ari iy’isi?

Nanone bitewe n’indirimbo Ama-G The Black asanzwe azwiho ko aririmba (zitari izihimbaza Imana) wakeka ko kabaye, Théo (bose babireba) yatangiye kugwa cyangwa se yamaze kugwa, nyamara sibyo kuko Theo aracyahagaze ndetse na Ama G aracyari umusiramu nk’uko babyihamiriza, kandi indirimbo bakoze ni ihimbaza Imana.

Theogene Uwiringiyimana aka Theo Bose babireba wamamaye cyane muri Gospel nyarwanda kuva mu myaka nk'irindwi ishize

Indirimbo “Ingoma” isanzwe ari iya Theo niyo basubiyemo bayikora ku buryo bugezweho, aho producer Fazzo yashyizemo ingoma zigezweho zijyanye na Hip Hop maze Ama G nawe akongeramo imirongo ye nk’uko abaraperi bakunze kubyita.

Iyi ndirimbo ya Theo ihimbaza Imana, yitwa “Ingoma”, isanzwe yaramenyekanye ndetse iramamara cyane, aho igira iti: “Ingoma yawe niyogere n’iy’abana b’abantu yarogeye!” yasubiwemo ku busabe bw’umuhanzi Ama-G The Black maze arabyemererwa ayisubiranamo na nyirayo bwite Théo Bose babireba.

Aganira na IGIHE, Uwiringiyimana Theo yagize ati “Ama-G The Black yansabye ko dusubiranamo indirimbo yanjye ndabyemera. Sinari kubyanga kuko ashaka guhinduka. Birumvikana ni jye wabimufashamo bwa mbere, kuko twaba twakoranye indirimbo ‘Ihimbaza Imana’ , kandi Imana ikeneye ko abantu bahinduka, ahubwo ni intambwe nziza, Ama-G the Black ateye”.

Ama G the black umuraperi ukunzwe muri Hip Hop (secural) mu Rwanda kuri ubu

Ubusanzwe umuhanzi Ama-G the Black, mu mazina nyakuri yitwa Amani Hakizimana. Si umurokore kuko ubundi asengera mu idini ya Islam, kandi benshi mu bagize iri dini bavuga ko ku musilamu bitemewe kuririmba bene izi ndirimbo zitwa iz’abarokore usanga zisingiza Yesu nk’umucunguzi n’umukiza w’abantu.

Tumubajije impamvu aririmbaka izi ndirimbo kandi idini abarizwamo ritabyemera, Ama-G yagize ati: “Njye singendera ku mahame. Mbona ik’ingenzi ari uko ndirimba ibyubaka Sosiyete, kandi icyo Imana ishaka ni uko abantu bahinduka.”

Théo Bose babireba, kuri ubu ari gutegura imishinga itandukanye ya muzika ye, aho ari gutanganya amashusho y’imwe mu ndirimbo ze atavuze iyo ariyo, akaba anategura gushyira hanze indirimbo nshya yise “Witwigirizaho nkana”.

Amani Hakizimana aka Ama G the Black nawe ku ruhande rwe, ngo afitanye indirimbo nshya na King James izasohoka mu minsi iri imbere bise “Mana yanjye”.

Amashusho y’indirimbo “Ingoma” isubiwemo (Remix) ku bufatanye bwa Theo na Ama G, azasohoka mu minsi mike iri imbere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza