00:00:00 IGIHE NETWORK KN KINYARWANDA EN ENGLISH FR FRANCAIS

Bruce Melodie n’abafana basuye imfubyi za Jenoside i Kinyinya

Yanditswe na

Jean Paul Ibambe

Kuya 21 April 2014 saa 11:12
Yasuwe :

Umuririmbyi Bruce Melodie afatanyije n’abafana b’umuziki we basuye banatera inkunga umuryango w’imfubyi 4 zibana mu mudugudu w’Abarokotse Jenoside uherereye i Kinyinya mu Karere ka Gasabo. Inkunga yatanzwe na Bruce Melodie afatanyije n’abafana be, igizwe n’ibiribwa hamwe n’amafaranga. Bruce Melodie yatangarije IGIHE ko kuva cyera yatekerezaga gutegura ibikorwa byo gufasha ariko akazitirwa no kubura amikoro ahagije. Kuri iyi nshuro akaba yaragize amahirwe yo guhuriza hamwe igitekerezo cye (...)

Umuririmbyi Bruce Melodie afatanyije n’abafana b’umuziki we basuye banatera inkunga umuryango w’imfubyi 4 zibana mu mudugudu w’Abarokotse Jenoside uherereye i Kinyinya mu Karere ka Gasabo.

Bruce Melodie na bamwe mu bafana be.

Inkunga yatanzwe na Bruce Melodie afatanyije n’abafana be, igizwe n’ibiribwa hamwe n’amafaranga.

Banatanze ibahasha irimo amafaranga.

Bruce Melodie yatangarije IGIHE ko kuva cyera yatekerezaga gutegura ibikorwa byo gufasha ariko akazitirwa no kubura amikoro ahagije. Kuri iyi nshuro akaba yaragize amahirwe yo guhuriza hamwe igitekerezo cye n’abafana.

Ati: “Natekereje kuva cyera igikorwa cyo gufasha abantu bafite ibibazo kuva cyera. Nifuzaga kubikora mbere, ariko ntegereza kubona amikoro ahagije, kuri ubu nabifatanyije n’abafana banjye kandi ndumva binejeje kuba hari abantu twagiriye akamaro.”

Bruce Melodie yatangarije IGIHE ko abanyarwanda bose cyane cyane Abahanzi bakwiye kugira umutima ufasha abababaye kuko ugira ineza ukayisanga imbere.

Ati: “Ugira ineza ukayisanga imbere, Abanyarwanda bagire umutima ufasha kuko kwigomwa Bizana umugisha, nk’abahanzi rero kuko abantu baba batuzi turirimba iyo batubonye tunafasha bituma barushaho kutwiyumamo.”

Bruce Melodie ni umwe mu baririmbyi bakunze gukora injyana ya RnB. Azwi cyane mu ndirimbo nka ‘Tubivemo’, ‘Ndumiwe’ n’izindi. Ni umwe mu bahanzi 10 bitabiriye irushanwa rya PGGSS4 riri kubera mu Rwanda.

Bruce Melodie n'abafana be batanze inkunga irimo n'ibiribwa.
Bruce Melodie avuga ijambo. Aha ni mu nzu y'abasuwe.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .