00:00:00 IGIHE NETWORK KN KINYARWANDA EN ENGLISH FR FRANCAIS

Bruce Melody yasohoye indirimbo yakoranye na Radio

Yanditswe na

Jean Paul Ibambe

Kuya 20 March 2014 saa 01:38
Yasuwe :

Umuririmbyi Bruce Melodie ashobora kuba ari mu bihe bye byiza kuko nyuma yo kuza mu bahanzi 10 bakomeje mu irushanwa rya PGGSS4 no kumurika album nshya ’Ndumiwe’, amaze gukorana indirimbo n’icyamamare Radio wo muri Uganda.
’Music’ niryo zina ry’indirimbo Bruce Melodie yashyize hanze ndetse ikaba iri no gukorerwa amashusho. Yayikoranye na Radio wo mu itsinda rya Goodlyfe muri Uganda.
Bruce avuga ko yayikoze ku ntego yo gushaka uko muzika ye yakwira mu karere ari nacyo cyatumye anakorana n’abandi (...)

Umuririmbyi Bruce Melodie ashobora kuba ari mu bihe bye byiza kuko nyuma yo kuza mu bahanzi 10 bakomeje mu irushanwa rya PGGSS4 no kumurika album nshya ’Ndumiwe’, amaze gukorana indirimbo n’icyamamare Radio wo muri Uganda.

Bruce na Radio bamaze gufata amashusho y'indirimbo nshya bakoranye.

’Music’ niryo zina ry’indirimbo Bruce Melodie yashyize hanze ndetse ikaba iri no gukorerwa amashusho. Yayikoranye na Radio wo mu itsinda rya Goodlyfe muri Uganda.

Bruce avuga ko yayikoze ku ntego yo gushaka uko muzika ye yakwira mu karere ari nacyo cyatumye anakorana n’abandi bahanzi bo muri Uganda nka Jamal na Fille.

Ati:“Umuziki wabo wafashe indi ntera, inaha dukina indirimbo zabo ariko uwacu ntabwo ukinwa hariya, gukorana nabo bizatuma indirimbo zanjye zumvikana yo.”

Kanda hano wumve iyi ndirimbo.

Bruce Melodie avuga ko yatekereje kuri Radio nyuma yo kubona ko gukorana na Jamal na Fille nabo bo muri Uganda byagize akamaro kanini.

Ati: “Gukorana na Jamal na Fille byagize akamaro kanini, ubu indirimbo twakoranye zirakinwa ku mateleviziyo yaho na radiyo ni uko. Intego yanjye ndi kuyisatira, ntabwo ntekereza isoko ryo mu Rwanda gusa ahubwo no mu karere.”

Uyu muhanzi washyize hanze iyi ndirimbo, yavuze ko muri iyi minsi ari kugira amahirwe menshi, kuko mu gihe kitarenze ukwezi, yamuriktse album, ajya muri PGGSS4 ndetse anakomeje gukorana n’abahanzi bakomeye mu karere.

Bruce melodie kandi yabajijwe uko ateganya kwitwara mu irushanwa rya Primus Guma Guma Super Star avuga ko yishimiye kuzamo ndetse azakora iyo bwabaga akagera kure hashoboka.

Indirimbo 'Music' yakozwe na Piano naho amashusho ari gutunganywa na Gilbert.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .