00:00:00 IGIHE NETWORK KN KINYARWANDA EN ENGLISH FR FRANCAIS

PGGSS4: Mu gitaramo cy’i Kigali Bruce Melodie yagendesheje amaboko (Video)

Yanditswe na

IGIHE

Kuya 22 June 2014 saa 12:18
Yasuwe :

Kuwa 21 Kamena 2014, abahanzi bari mu irushanwa rya Primus Guma Guma Super Star 4 ritegurwa na Bralirwa ibinyujije mu kinyobwa cya Primus, bakoze irushanwa ryo kuririmba bahabwa n’amanota. Bruce Melodie waririmbye ku mwanya wa kabiri nyuma ya Senderi, uyu muhanzi nawe yaje afite umwihariko we ndetse anabyinisha amaboko. Bruce Melodie yari yambaye ipantaro ngufi n’amaburuteri hejuru kimwe n’ababyinnyi be.
Yinjiye ku rubyiniro ashoreranye n’ababyinnyi be. Bageze ku rubyiniro nibwo batangiye (...)

Kuwa 21 Kamena 2014, abahanzi bari mu irushanwa rya Primus Guma Guma Super Star 4 ritegurwa na Bralirwa ibinyujije mu kinyobwa cya Primus, bakoze irushanwa ryo kuririmba bahabwa n’amanota. Bruce Melodie waririmbye ku mwanya wa kabiri nyuma ya Senderi, uyu muhanzi nawe yaje afite umwihariko we ndetse anabyinisha amaboko.

Bruce Melodie yari yambaye ipantaro ngufi n’amaburuteri hejuru kimwe n’ababyinnyi be.

Yinjiye ku rubyiniro ashoreranye n’ababyinnyi be. Bageze ku rubyiniro nibwo batangiye gucurangirwa maze abyinana nabo, si kenshi uyu muhanzi akunze kugaragara abyina.

By’umwihariko, Bruce Melodie yakoze amasiporo ku rubyiniro abyinisha amaboko.

Akigera ku rubyiniro, mu bafana bari hafi aho hajemo abakobwa babtatu bacana ibishashi by’umuriro abashinzwe umutekano bahita babibambura barabizimya.

Indirimbo Bruce Melodie yahereyeho ni ‘Indorerwamo’ aho bayibyinnye mu njyana ijya kumera nk’ama- funk, Wabonaga yashyize imbaraga mu kubyina no kujyana n’ababyinnyi be ndetse bituma atava aho yari ari ngo yegere imbere mu bafana nyamara hari hari umwanya wabugenewe.

Ijwi ry’uyu muhanzi riratyaye cyaye ndetse yaririmbaga ukumva amagambo y’indirimbo ze arumvikana. Nta kabuza kuko yari asanzwe asa n’umenyereye kuririmba live kuko yigeze no kuba mu bahanzi bafashaga abari muri iri rushanwa mu kuririmba live, aho yabikirizaga.

Indi ndirimbo uyu muhanzi uri muri Primus Guma Guma Super Star yaririmbye ni ‘Uzandabure’. Iyi nayo yayiririmbye anayibyina na none mu njyana idatandukanye n’iya mbere.

Reba uko Bruce Melodie yaririmbye muri iki gitaramo hano

Mu nkuru zacu zitaha turabageza uko abandi bahanzi nabo bitwaye

Kanda hano urebe amafoto yose y’iki gitaramo

Amafoto: Nkurunziza Faustin
Video: Eliel Niyonzima


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .