00:00:00 IGIHE NETWORK KN KINYARWANDA EN ENGLISH FR FRANCAIS

Knowless arasaba abakobwa kwamaganira kure abagabo babashukisha amafaranga

Yanditswe na

Emma-Marie Umurerwa

Kuya 23 October 2014 saa 08:11
Yasuwe :

Ingabire Jeanne d’Arc uzwi ku izina rya Knowless mu muziki mu gitaramo yakoreye mu Karere ka Gatsibo, yashishikarije urubyiruko by’umwihariko abakobwa kwirinda kwishora mu mibonano mpuzabitsina bashutswe n’ifaranga bazanirwa n’abasore cyangwa abagabo bakuze.
Ku bufatanye n’Impuzamiryango Pro- Femme Twese Hamwe Knowless yaganirije urubyiruko rwo mu Karere ka Gatsibo arwigisha kumenya guhekanira abantu bose babashuka bashaka kubashora mu ngeso mbi zirimo imibonano mpuzabitsina n’izindi nzira mbi (...)

Ingabire Jeanne d’Arc uzwi ku izina rya Knowless mu muziki mu gitaramo yakoreye mu Karere ka Gatsibo, yashishikarije urubyiruko by’umwihariko abakobwa kwirinda kwishora mu mibonano mpuzabitsina bashutswe n’ifaranga bazanirwa n’abasore cyangwa abagabo bakuze.

Ku bufatanye n’Impuzamiryango Pro- Femme Twese Hamwe Knowless yaganirije urubyiruko rwo mu Karere ka Gatsibo arwigisha kumenya guhekanira abantu bose babashuka bashaka kubashora mu ngeso mbi zirimo imibonano mpuzabitsina n’izindi nzira mbi zose zihonyora ahazaza habo. Knowless yari mu karere ka Gatsibo mu muhango wo kwizihiza umunsi mpuzamahanga w’Umukobwa ku itariki ya 21 Ukwakira.

Knowless yaririmbye nyinshi mu ndirimbo ze zikunzwe n’urubyiruko muri iki gihe ndetse abaturage ba Gatsibo bamufasha kuziririmba dore ko hafi ya zose bari bazizi.

Nyuma yo kubaririmbira, Knowless yagize ati “Hari ibintu byinshi bisigaye biba ku mwana w’umukobwa, aho abagabo bashukisha abana b’abakobwa ibintu bitandukanye birimo amafaranha kugirango babashore mu mibonano mpuzabitsina.”

Miss Rwanda Akiwacu Colombe yari muri iki gikorwa

Uyu mukobwa yasabye bagenzi be bo muri Gatsibo ko bagomba kwirinda ibishuko by’abagabo , bakiga kuvuga “Oya” bagamije kurinda ejo habo hazaza.

Ati “ Tugomba kwiga kuvuga oya, abakobwa mugomba kwiga kuvuga oya. N’iyo waba waburaye n’iyo byaba byagenze gute, umuntu akagushukisha amafaranga uzi ko mu rugo nta kintu kiriyo wasizeyo, uzihagarareho uvuge oya.”

Urubyiruko rw'i Gatsibo rwishimanye na Knowless biratinda

Knowless kandi yibukije abahungu ko ari bo bakwiye kurinda umutekano wa bashiki babo babafasha guhangana n’abagabo babashuka bagamije kwica ejo habo hazaza. Ati “ Ni mwebwe ntwaro zacu.”

Knowless yatanze ubu butumwa muri aka karere mu gihe havugwa abagabo bahohotera abakobwa ntibabihanirwe ku bwo gukingirwa ikibaba na bamwe mu bayobozi mu nzego z’ibanze ku bwimvikane bw’ababyeyi n’abakoze icyaha.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .