00:00:00 IGIHE NETWORK KN KINYARWANDA EN ENGLISH FR FRANCAIS

Knowless aravuga imyato gahunda Perezida Kagame yazaniye Abanyarwanda (VIDEO)

Yanditswe na

Kalinda Brendah

Kuya 1 November 2014 saa 09:19
Yasuwe :

Ingabire Jeanne d’Arc uzwi nka Knowless mu muziki aravuga imyato gahunda z’indashyikirwa Perezida wa Repubulika y’u Rwanda Paul Kagame yagejeje ku Banyarwanda kuva bamuha ububasha bwo kuyobora iki gihugu.
“Girinka Munyarwanda” ni gahunda yatangijwe na Nyakubahwa Perezida wa Repubulika Paul Kagame mu mwaka wa 2006. Intego nyamukuru z’iyi gahunda zari ukugira ubworozi umusingi wo kurwanya ubukene, guteza imbere ubuhinzi, gufata neza ubutaka no guteza imbere imibanire y’Abanyarwanda. Mu kiganiro (...)

Ingabire Jeanne d’Arc uzwi nka Knowless mu muziki aravuga imyato gahunda z’indashyikirwa Perezida wa Repubulika y’u Rwanda Paul Kagame yagejeje ku Banyarwanda kuva bamuha ububasha bwo kuyobora iki gihugu.

“Girinka Munyarwanda” ni gahunda yatangijwe na Nyakubahwa Perezida wa Repubulika Paul Kagame mu mwaka wa 2006. Intego nyamukuru z’iyi gahunda zari ukugira ubworozi umusingi wo kurwanya ubukene, guteza imbere ubuhinzi, gufata neza ubutaka no guteza imbere imibanire y’Abanyarwanda.

Mu kiganiro na IGIHE, Knowless nk’Umunyarwandakazi ukora umuziki ndetse benshi mu Rwanda babonamo nk’indorerwamo yabo, afata Girinka nk’imwe muri gahunda z’imbaturabukungu zafashije Abanyarwanda cyane kwikemurira ibibazo by’umwihariko bikura mu bukene.

Iyi gahunda kimwe n’izindi Perezida Kagame yashyiriyeho Abanyarwanda asanga umusingi munini uzafasha abaturage cyane cyane abatuye mu bice by’icyaro kurusha kubaka ejo habo hazaza.

Yagize ati “Ndashimira gahunda zose zagiye zishyirwaho na Leta ariko by’umwihariko ndashimira Perezida Kagame gahunda ya Girinka yazanye kuko yahinduye byinshi ku buzima bw’Abanyarwanda ndetse n’iyo uganiriye na bo wumva bafite ubuhamya bukomeye”.

Hano ni mu ruganiriro kwa Knowless

Kuva Gahunda ya Girinka yatangira mu mwaka wa 2006, imiryango irenga 179.000 yahawe inka. Iyo Gahunda yagize uruhare mu kongera umusaruro w’ubuhinzi n’ubworozi mu Rwanda cyane cyane uw’amata.

Uwo musaruro w’amata watumye imirire mibi igabanyuka kandi unafasha abaturage kwinjiza amafaranga. Gahunda ya Girinka yihaye intego y’uko mu mwaka wa 2017 izaba imaze gutanga inka 350.000 ku miryango ikennye.

Knowless arashimira Perezida Kagame udahwema guhanga udushya mu rwego rwo guharurira inzira Abanyarwanda , ababera nyambere mu kwihesha agaciro no kwiyumvamo ubunyarwanda kurusha ikindi cyose.

Knowless yunze mu rya Perezida Kagame

Knowless aha agaciro cyane gahunda zose za Leta ndetse ko izo ashoboye arazitabira akaba anakangurira Abanyarwanda bose kwihesha agaciro bagera ikirenge mu cya Perezida Kagame ari na we uhora iteka yereka amahanga ko u Rwanda rwishoboye.

Amafaranga Knowless yasaruye mu muziki niyo amwishyurira ishuri

Mu rwego rwo kwigira Butera Knowless yabashije kubyaza umusaruro umuziki we yizigamira uko ashoboye none ubu afite ubushobozi bwo kwiyishyurira ishuri kandi nta mubyeyi agira. Kuri we muzika ni umubyeyi ukomeye kuko ni wo umumenyera ibyo akeneye byose.

Arateganya ibitaramo hirya ya Kigali…

Muri gahunda ze z’umuziki Knowless arateganya gukorera ibitaramo mu bice bya kure ya Kigali mu rwego rwo kurushaho kwegerana n’abafana be. Nibimukundira mu ntangiriro z’umwaka utaha nibwo azatangira.

Yagize ati “Ndifuza gusabana n’abafana banjye ku rwego rwo hejuru cyane cyane abatuye hanze ya Kigali. Ndi gutegura ibitaramo byo kugenda mbamurikira album zanjye zose kugira ngo babone ko mbahoza ku mutima”.

Knowless kandi arateganya gushyira hanze amashusho y’indirimbo ‘Tulia’ mu cyumweru gitaha kugira ngo atangire asongongeza ku bafana byinshi abahishiye.

REBA IKIGANIRO IGIHE TV YAGIRANYE NA KNOWLESS:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .