00:00:00 IGIHE NETWORK KN KINYARWANDA EN ENGLISH FR FRANCAIS

Knowless yakuriye inzira ku murima abamwaturiraho gukorana na shitani

Yanditswe na

Richard Irakoze

Kuya 9 January 2015 saa 08:19
Yasuwe :

Mu gucubya inkundura y’amagambo yacicikanaga kuri internet ivuga ko yaba akorana na Illuminati, bivuye ku bimenyetso bigaragara ku myenda aheruka kwambara mu ruhame, Butera Knowless yavuze ko yemera Yesu nk’Umwami na Bibiliya nk’intwaro ye.
Mu gitaramo cya Diamond cyabereye kuri Stade Amahoro, tariki 1 Mutarama 2015, Knowless ubusanzwe yagaragaye yambaye agapira kanditseho amagambo agira ati “Oh Hell Yeah”, humvikanamo ijambo hell risobanura ikuzimu.
Hari hariho n’ifoto y’umukobwa yazamuye (...)

Mu gucubya inkundura y’amagambo yacicikanaga kuri internet ivuga ko yaba akorana na Illuminati, bivuye ku bimenyetso bigaragara ku myenda aheruka kwambara mu ruhame, Butera Knowless yavuze ko yemera Yesu nk’Umwami na Bibiliya nk’intwaro ye.

Mu gitaramo cya Diamond cyabereye kuri Stade Amahoro, tariki 1 Mutarama 2015, Knowless ubusanzwe yagaragaye yambaye agapira kanditseho amagambo agira ati “Oh Hell Yeah”, humvikanamo ijambo hell risobanura ikuzimu.

Hari hariho n’ifoto y’umukobwa yazamuye intoki zihinnyemo ebyiri zo hagati, ibintu bamwe bafashe nko gutiza umurindi imyemerere yo kwa shitani bita iya “Illuminati”.

Nyamara ariko Knowless akavuga ko nta gashwishwi ko gukorana n’abo kwa shitani abantu bakwiye kumukekaho, agashimangira ko yemera Yesu, akaba anasoma Bibiliya Yera.

Uyu mupira wa Knowless ni wo watumye bamwaturiraho gukorana na shitani

Yagize ati “Njye nemera Bibiliya ijana ku ijana (100%), ndayisoma, ni yo ntwaro yanjye hanyuma kandi nemera imbaraga z’amasengesho. Ntinya Imana kandi nemera Yesu nk’umwami n’umukiza wanjye.”

Butera Knowless wamamaye cyane mu ndirimbo “Baramushaka” asaba abafana be kumva ukuri kwe, ko amagambo yari ari kuri uriya mupira n’ibimenyetso bidasobanuye ko akorana n’abo kwa shitani ahubwo ko iyo ari intero yari yatewe n’abo yita “abakunda byacitse”.

Aya magambo ngo ntacyo avuze kuri Knowless

Yagize ati “Umupira nawambaye mbona umbereye nywukunze kandi narawuguze mbibona, ntaho uhuriye na Illuminati cyangwa n’ibindi bintu. Ririya jambo riri mu magambo akoreshwa hanze yo gutangara wemera, naho biriya bintu ngo umuntu azamuye intoki ebyiri ntabyo nemera.”

Yasoje agira ati “mpita mbona uko bamwe mu bantu baba batekereza nkabona uko bakunda byacitse ariko ntacyo bintwara, umuntu wese uteye imbere cyangwa se ugize ikintu kigaragara ko hari iterambere ari kugira baravuga bati Illuminati, njye ntabwo nyemera”.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .