00:00:00 IGIHE NETWORK KN KINYARWANDA EN ENGLISH FR FRANCAIS

Knowless yambariye kwegukana miliyoni 24,ku mbaraga z’amasengesho n’umuziki we

Yanditswe na

Munyengabe Murungi Sabin

Kuya 12 March 2015 saa 09:54
Yasuwe :

Knowless Butera ukorera umuziki muri Kina Music afite amashyushyu n’icyizere byo kwegukana miliyoni 24 zizahabwa umuhanzi wa mbere muri Primus Guma Guma Super Star ya 5, akizera ko azabishobozwa n’imbaraga z’amasengesho n’ibikorwa afite mu muziki.

Knowless ukunzwe muri iyi minsi mu ndirimbo ‘Tulia’, we na Oda Paccy ni bo bakobwa babiri mu bahanzi 10 bahatanira PGGSS ya 5.

Ku ruhande rwe, yemeza ko kuba yarahawe amahirwe yo guhatana na bagenzi be icyenda banakomeye mu muziki ari uburyo bwiza buzamufasha kurushaho kwereka abafana ko hari urwego agezeho rukomeye mu muziki, ngo bizaba akarusho nakomeza gutizwa umurindi n’abakunzi be akegukana igikombe.

Yagize ati “Icya mbere ni ugushyigikirwa ndetse n’umuhanzi akagira ubushake. Mfite umugambi wo gutwara igikombe. Abahanzi mpanganye na bo barakomeye ariko nizeye ko imbaraga abafana banjye bampa ndetse n’ibikorwa byanjye bizaduhesha gukomeza kuza imbere”

Butera Knowless uherutse kumurika album ye ya Gatatu ashimangira ko bimugendekeye neza uyu mwaka igikombe cya PGGSS yagitwarwa, igitsinagore kikigaranzura ababahanzi b’igitsinagabo bagiye basimburanwa mu kucyegukana mu myaka ine yatambutse.

Gusa, ngo ashyize imbere kwereka abafana be ko ashoboye no kurushaho kubashimisha. Ati “Icy’ingenzi buriya ni ugushimisha abafana, iyo babonye wakoze ibyo bashaka bagushyigikira kurushaho. Nizeye kuzabikora”

Abajijwe niba yifitiye icyizere cyo gutwara miliyoni 24 zizatangwa na Bralirwa, atajijinganyije Knowless yagize ati “Ndabyiteguye, nzabigeraho mbifashijwemo n’amasengesho, abafana banjye ndetse n’imbaraga z’ibikorwa mfite mu muziki”

Uyu muhanzi yabwiye IGIHE ko ari mu mishinga yo gushaka uburyo yakorana indirimbo n’abahanzi bo mu mahanga mu rwego rwo kurushaho kwagura ubuhanzi bwe ndetse akomeje kunoza imishinga yo kumurika album ye ya Kane.

Ati “Gahunda ihari ni ugushaka uburyo nakorana n’abahanzi bo mu mahanga, hari abo twavuganye ntatangaza uyu munota ariko gahunda irahari. Ikindi ni uko ndi gutegura album ya kane nyuma y’iya Gatatu mperutse gushyira hanze”

UKO KNOWLESS YITWAYE HATORANYWA ABAHANZI 10:


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .