Mu kiganiro na Knowless ubwo yatugezagaho amashusho ya ‘Peke yangu’ yashimangiye ko indirimbo yasohokanye ireme yayifuzagamo ndetse ngo akurikije uburyo indirimbo ye yakunzwe itarajya hanze mu buryo bw’amashusho ngo yizeye ko azabona umusaruro ufatika.
Muri iyi ndirimbo, hari amashusho Knowless yafashe ari mu bwato mu Nyanja y’Abahinde, ku nkombe z’iyi Nyanja ifite ikirere gikenkemutse, hanagaragaramo inyubako zimwe zisurwa cyane n’abakerarugendo bajya kuruhukira muri Zanzibar.
Iyi ndirimbo ‘Peke Yangu’, ni imwe mu ziririmbwe mu Giswahili zizagaragara kuri album ya Gatanu ya Knowless ateganya gushyira hanze bitarenze umwaka wa 2015.
Uyu mukobwa uri mu bahanzi 10 bahatanira kwegukana irushanwa rya Primus Guma Guma Super Star ya 5 aracyashimangira ko yifitemo ubushobozi bwo gutwara igikombe ndetse ngo akurikije ingufu umuziki we ufite akareba na bagenzi be asanga ari we ukwiye guhabwa miliyoni 24 zizagenerwa umuhanzi wa mbere.
REBA IYI NDIRIMBO HANO:
TANGA IGITEKEREZO