00:00:00 IGIHE NETWORK KN KINYARWANDA EN ENGLISH FR FRANCAIS

Knowless yavuguse umuti w’ubunebwe imbere y’abafana(Amafoto)

Yanditswe na

Munyengabe Murungi Sabin

Kuya 10 February 2015 saa 12:07
Yasuwe :

Butera Knowless yakajije ingamba mu gukora siporo no kwihata imyitozo ihagije mu buryo bwose nk’intwaro izamufasha kurusha kugira ingufu no ‘kugira imyuka’ mu bitaramo azajya yitabira mu rwego rwo kurushaho kurwanya inzitizi yose yamubuza kuririmba yivuyeyo.
Ku mbuga nkoranyambaga Knowless akoresha haba Twitter na Instagram, asigaye akunda kwandika amagambo yibanda cyane ku byiza byo gukora siporo ndetse kenshi akanashyiraho amafoto ari mu byumba bikorerwamo siporo akora imyitozo itandukanye. (...)

Butera Knowless yakajije ingamba mu gukora siporo no kwihata imyitozo ihagije mu buryo bwose nk’intwaro izamufasha kurusha kugira ingufu no ‘kugira imyuka’ mu bitaramo azajya yitabira mu rwego rwo kurushaho kurwanya inzitizi yose yamubuza kuririmba yivuyeyo.

Ku mbuga nkoranyambaga Knowless akoresha haba Twitter na Instagram, asigaye akunda kwandika amagambo yibanda cyane ku byiza byo gukora siporo ndetse kenshi akanashyiraho amafoto ari mu byumba bikorerwamo siporo akora imyitozo itandukanye.

Mu kiganiro na IGIHE, Knowless yavuze ko impamvu muri iki gihe yahagurukiye cyane gukora imyitozo ngororamubiri n’ikomeza umubiri ihagije ngo ni uburyo buzamufasha kugira ingingo zikomeye, kugira icyo yise ‘kuzuza imyuka’ kugira ngo ajye yiyereka abafana arambukiwe.

Yagize ati “Muri iyi minsi byo siporo nayihagurukiye, nk’umuhanzi ni ikintu cyiza mpamya ko kizamfasha. Urabona kuri stage umuntu aba akeneye imyuka kandi burya ntiwapfa kuzuza imyuka udakora siporo mu buryo buhagije. Bizamfasha mu bitaramo nzajya nkora ku buryo nzajya ndirimba nta kabazo na gato mfite, nta kunanirwa”

Uyu mukobwa ukunzwe muri iyi minsi mu ndirimbo ‘Tulia’ ngo ari kwihata imyitozo ihagije anashakisha uburyo yagabanya ibiro no kugira ubuzima buzira umuze.
Ati “Iyi siporo ndi gukora izajya inamfasha kwita ku biro byanjye. Ndashaka kugabanya ibiro.”

Muri iyi minsi Knowless ahugiye mu myitozo y’igitaramo azakorana na Christopher kuri Saint Valentin kuri Serena Hotel. Ngo anafite imishinga ikomeye irimo kubanza gusoza ifatwa ry’amashusho y’indirimbo ‘Mwungeri’ ,‘Sweet Mutima’ n’izindi zizagaragara kuri album ya kane.

Knowless kandi ngo ari gupanga imishinga y’indirimbo azahuriramo n’abahanzi bakomeye hanze y’u Rwanda akazatangariza abafana be abo azemeranya na bo bidatinze.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .