00:00:00 IGIHE NETWORK KN KINYARWANDA EN ENGLISH FR FRANCAIS

Knowless yifuza uburinganire muri Primus Guma Guma

Yanditswe na

Kalinda Brendah

Kuya 30 January 2015 saa 01:12
Yasuwe :

Butera Knowless ashyigikiye gahunda ya Leta y’uburinganire hagati y’abagabo n’abagore akaba anifuza ko yanubahirizwa mu irushanwa rya Primus Guma Guma Super Star asaba ko bishobotse abakobwa batanu bahabwa amahirwe yo guhatana uyu mwaka.
Mu myaka ine ishize iri rushanwa ritangiye, ni gake cyane hagiye hagaragaramo abakobwa barenze babiri, wasangaga akenshi abahungu ari bo bagize mubare munini. Butera Knowless nk’umwe mu bakobwa bamaze kuryitabira inshuro nyinshi yifuje ko hakongerwamo abandi (...)

Butera Knowless ashyigikiye gahunda ya Leta y’uburinganire hagati y’abagabo n’abagore akaba anifuza ko yanubahirizwa mu irushanwa rya Primus Guma Guma Super Star asaba ko bishobotse abakobwa batanu bahabwa amahirwe yo guhatana uyu mwaka.

Mu myaka ine ishize iri rushanwa ritangiye, ni gake cyane hagiye hagaragaramo abakobwa barenze babiri, wasangaga akenshi abahungu ari bo bagize mubare munini. Butera Knowless nk’umwe mu bakobwa bamaze kuryitabira inshuro nyinshi yifuje ko hakongerwamo abandi bakobwa kugira ngo umuziki w’abakobwa na wo uhabwe intebe.

Mu kiganiro na IGIHE, Knowless yavuze ko uyu mwaka abakobwa bakoranye imbaraga nyinshi bigaragarira buri wese akaba asanga byaba byiza na bo batekerejweho muri iri rushanwa.

Knowless yagize ati “Abakobwa barakoze cyane kandi bigaragarira buri wese, ntekereza ko na bo bagize amahirwe yo kujya muri iri rushanwa byatanga isura nziza ndetse n’uburinganire bukarushaho gutezwa imbere muri byose”.

Uyu muhanzi ukunzwe muri iyi minsi mu ndirimbo ‘Tulia’ avuga ko abakobwa bakwiriye guhabwa umwanya muri PGGSS akifuza ko kuri iyi nshuro ya gatanu rigiye kuba hakwinjiramo batanu n’abahungu batanu mu kunoza uburinganire.

Nubwo yirinze kugira amazina atangaza, yavuze ko hari abakobwa benshi bakoze nawe atisize inyuma ndetse anatangaza ko yiteguye kwitabira iri rushanwa aramutse ahawe amahirwe.

Knowless ati, “Umwaka ushize nagize ibikorwa byinshi byanzitiye ku buryo ntabashije kwitabira irushanwa ariko kugeza ubu nta gahunda zindi mfite ku buryo zambuza kwitabira Guma Guma ndamutse mbonye amahirwe yo kujyamo”.

Bitandukanye n’uko byagenze umwaka ushize ubwo yasezeraga mu rushanwa kandi yamaze gutorwa, Butera Knowless yashimangiye ko hatagize gahunda zitunguranye zimwitambika yakwitabira iri rushanwa.

Kuri ubu ahugiye mu mwiteguro arimo yo kuzitabira itangwa ry’ibihembo bya ‘Hipipo Music Award’ ku itariki ya 7 Gashyantare muri Uganda ndetse n’ibitaramo ashobora gukorera hanze y’u Rwanda ku matariki ataramenya neza.

Knowless na Urban Boyz ni bamwe mu bahatanira ibihembo bya Hipipo Music Awards mu cyiciro cya East Africa Super Hit gihuriwemo na Tayali (Urban Boys Ft Iyanya), Sitya Loss( Eddy Kenzo), Ndagushima (Ommy Dimpoz), Number One( Diamond Platnumz), Nishike (Touch Me) ( Sauti Sol), Love You Everyday(Bebe Cool), Kioo (Jaguar) na Baramushaka( Knowless).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .