00:00:00 IGIHE NETWORK KN KINYARWANDA EN ENGLISH FR FRANCAIS

Kubarizwa muri label imwe, bitumye Christopher aharira Dream Boys muri PGGSS

Yanditswe na

IGIHE

Kuya 12 July 2014 saa 08:12
Yasuwe :

Nyuma y’urugendo rurerure bahatana kuba PGGSS4, kuri bamwe barimo Christopher urugendo rusa n’urwarangiriye mu gitaramo cy’ i Rubavu aho 7 basezerewe hagasigaramo 3 bagihatanira Miliyoni 24 z’Amanyarwanda.
Muri iri rushanwa Christopher utaragaragaje kwigora habe na rimwe kuva hatangira ibitaramo bya Play Back i Rusizi, kuba yari ahanganye na Dream Boys ibarizwa muri Label ya Kina Music nawe abamo, bisa n’ibyabaye ubwumvikane ko ari we wabaha umwanya ngo babanze bave mu nzira wenda azashyiremo (...)

Nyuma y’urugendo rurerure bahatana kuba PGGSS4, kuri bamwe barimo Christopher urugendo rusa n’urwarangiriye mu gitaramo cy’ i Rubavu aho 7 basezerewe hagasigaramo 3 bagihatanira Miliyoni 24 z’Amanyarwanda.

Muri iri rushanwa Christopher utaragaragaje kwigora habe na rimwe kuva hatangira ibitaramo bya Play Back i Rusizi, kuba yari ahanganye na Dream Boys ibarizwa muri Label ya Kina Music nawe abamo, bisa n’ibyabaye ubwumvikane ko ari we wabaha umwanya ngo babanze bave mu nzira wenda azashyiremo imbaraga ubutaha.

Ni inshuro ya kabiri Muneza Christoph yitabira PGGSS, aho uyu muhanzi yanyuze hose muri uyu mwaka, yagiye atungura benshi mu bafana kuko indirimbo ze hafi ya zose usanga bazizi ndetse ni gake aririmba ntubone abari aho bamwikiriza, gusa imbaraga yagiye agaragaza wabonaga ko hari undi murongo wo kugenderaho yahawe.

I Rusizi ubwo hatangazwaga amazina y’abahanzi batsindiye gukomeza, Christopher ni umwe mu bahanzi babashije gutangira neza ndetse anikirizwa n’abantu benshi, i Nyamagabe naho byabaye uko ariko iteka ukabona nta mbaraga ashyira mu bintu bye, yaba mu buryo yambaye n’ibindi, uku niko yakomeje urugendo rwe mu bitaramo bya Play Back kurinda bigeze i Nyagatare ari naho byasojerejwe,

Irushanwa rya PGGSS4 ririnze rigera hafi ku musozo, Christopher nta na rimwe yitabaje ababyinnyi mu gihe aririmba mu gihe bagenzi be bose byibuze babigerageje. Hari abakeka ko ari ukubera injyana aririmba ariko injyana zose yaba RnB/pop, yaba Zouk cyangwa Slow zirabyinika.

Ntabwo Christopher ari umuswa mu kuririmba live ari nabyo abahanzi batangiye guhererwaho amanota yiyongereye kuri 20% yaturutse mu baturage batangaga SMS, ibi bikaba byanatuma umuntu yakwibaza igituma yaviriyemo muri iki cyiciro.

Kuba Dream Boys yitabiriye PGGSS inshuro zose imaze kuba, byaba byaratumye Producer Clement ukorana nabo aribo ashyiraho ingufu ndetse akifuza ko Christopher yabaharira. Aha ariko umuntu akaba yakwibaza ati: “ese bazagitwara?"

Ku bakurikiranye Christopher muri iri rushanwa yaba mu bitaramo bya Play Back no muri Live bashobora kugira icyizere ko wenda ubutaha yazaza mu ba mbere igihe cyose ashyize ingufu mu kazi ke.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .