00:00:00 IGIHE NETWORK KN KINYARWANDA EN ENGLISH FR FRANCAIS

Christopher arambiwe kubaho mu bwigunge bwo kutagira umukunzi

Yanditswe na

Kalinda Brendah

Kuya 13 May 2015 saa 10:27
Yasuwe :

Umuhanzi Christopher ubarizwa muri KINA Music yeruye ko arambiwe kubaho nta mukunzi agira kuko kuri we abifata nk’igihombo ndetse akabibonamo n’ubwigunge bukomeye.

Uyu muhanzi uherutse kuzuza imyaka 21 y’amavuko yatangaje ko ari umugisha ukomeye kubaho ufite umuntu ugukunda, ukwitaho,uguhangayikira ahamya ko nta cyiza nkabyo.

Abinyujije ku rubuga rwa Instagram, Muneza Christophe yashyizeho ifoto ari kumwe n’umukobwa yakoresheje mu mashusho y’indirimbo ‘Agatima’ maze avuga ko arambiwe kubaho ubuzima bwa wenyine aho bigeze yifuza kugira umukunzi basangira ubuzima.

Yagize ati, “Ni umugisha ndetse n’impano ikomeye kugira umuntu ugukunda, ukwitaho, umuntu ufite agaciro gakomeye mu buzima bwawe, ndifuza ko nagira umwe kuko ndambiwe kubaho ubuzima bwa njyenyine”.

Uyu muhanzi ukunzwe n’umubare mwinshi w’igitsina gore kubera indirimbo zinganjemo amagambo y’urukundo , atangaje ko arambiwe kubaho nta mukunzi agira nyuma y’igihe gito havugwa ko we na Miss Akiwacu Colombe bari mu rukundo rw’ibanga.

Nubwo aba bombi babihakanye ndetse bakabyamaganira kure, inshuti zabo za hafi zabwiye IGIHE ko bakundana ariko kugeza ubu baryumyeho.

Ku ruhande rwa Christopher we yashimangiye ko we na Miss Rwanda Akiwacu Colombe bafitanye ubucuti gusa ngo nta kindi buhatse cyerekeye urukundo nk’uko benshi bababonana babikeka.

Ati, “Sha Colombe ni inshuti yanjye bisanzwe, ni inshuti. Ni umujama wanjye….ntabwo ndatekereza kuba twakundana. Turi inshuti biri aho”

Christopher wifuza kugira umukunzi ari mu myiteguro yo gushyira hanze indirimbo yakoranye na Riderman ndetse bigenze neza mu ntangiriro z’icyumweru gitaha yaba yamaze kuyishyira hanze.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .