00:00:00 IGIHE NETWORK KN KINYARWANDA EN ENGLISH FR FRANCAIS

Christopher arerekeza muri Uganda mu iserukiramuco rya Doa Doa

Yanditswe na

Jean Paul Ibambe

Kuya 6 May 2014 saa 03:13
Yasuwe :

Ku gicamunsi cyo kuwa 6 Gicurasi 2014, umuririmbyi wo mu Rwanda Christopher Muneza arafata rutemikirere yerekeze muri mu Bugande mu iserukiramuco rizwi ku izina rya Doa Doa. Nk’uko IGIHE yabitangarijwe na Producer Clement Ishimwe ari nawe muyobozi wa Kina Music, label ibarizwamo Christopher, yatangaje ko Christopher ahaguruka i Kigali saa kumi n’ebyiri z’umugoroba.
Clement yavuze ko Christopher azacuranga ku munsi w’ejo. Yagize ati: “Christopher azacuranga ejo hanyuma agaruke mu Rwanda kuwa (...)

Ku gicamunsi cyo kuwa 6 Gicurasi 2014, umuririmbyi wo mu Rwanda Christopher Muneza arafata rutemikirere yerekeze muri mu Bugande mu iserukiramuco rizwi ku izina rya Doa Doa.

Nk’uko IGIHE yabitangarijwe na Producer Clement Ishimwe ari nawe muyobozi wa Kina Music, label ibarizwamo Christopher, yatangaje ko Christopher ahaguruka i Kigali saa kumi n’ebyiri z’umugoroba.

Clement yavuze ko Christopher azacuranga ku munsi w’ejo. Yagize ati: “Christopher azacuranga ejo hanyuma agaruke mu Rwanda kuwa Kane.”

Abajijwe inzira yanyuzemo ngo umuhanzi agira inama yitabire iri serukiramuco, Clement yavuze ko ari ubutumire yahawe. Ishimwe Clement ngo ni umwe mu baza guherekeza Christopher hamwe n’itsinda ry’abacuranzi babo.

Ku ruhande rwa Christoher, ngo hari umwihariko ajyanye muri Uganda. Yagize ati: “Njyanye indirimbo zanjye ariko zicuranze muri acoustic na gakondo, hari indirimbo ziri gakondo nka Uwera nakoze nayo nzayicuranga.”

Christopher, ugiye mu Bugande nyuma yo kuva mu Burayi mu ntangiriro za 2014, yavuze ko ibikorwa nk’ibi abikesha gukora cyane n’umugisha hamwe no kugira abamugira inama beza.

Uyu muhanzi uri no mu icumi bahatanira irushanwa rya PGGSS4, ari no ku rutonde rw’abahatanira ibihembo bya KORA Awards.

Yabwiye IGIHE ko akeneye gushyigikirwa n’Abanyarwanda bose kugira ngo azabashe kwegukana igihembo.

Undi muhanzi w’umunyarwanda wigeze kwitabira iri serukiramuco ni Mani Martin, uherukamo mu mwaka wa 2013.

I Jinja ku isaha ya saa mbiri z'ijoro kuwa 7 Gicurasi 2014 nibwo Christopher azaririmba.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .