00:00:00 IGIHE NETWORK KN KINYARWANDA EN ENGLISH FR FRANCAIS

Christopher yaba yaramenye ibanga ryo kwegukana PGGSS? (Video)

Yanditswe na

IGIHE

Kuya 24 June 2014 saa 12:48
Yasuwe :

Christopher Muneza, umwe mu bahanzi 10 bari mu irushanwa rya PGGSS riri kuba ku nshuro ya 4, kuwa Gatandatu tariki 21 Kamena 2014 kimwe na bagenzi be yaririmbye mu gitaramo cya ‘Live’ cyabereye i Kigali aho baririmbye banahabwa amanota.
Uyu muhanzi ukunda kwibanda mu ndirimbo zo mu njyana ya RnB, ni inshuro ya kabiri yitabira irushanwa rya Primus Guma Guma Super Star. Muri iki gitaramo, Christopher yari yoroheje ibintu kuko nta babyinnyi yari yateguye cyangwa ibindi bintu bidasanzwe. (...)

Christopher Muneza, umwe mu bahanzi 10 bari mu irushanwa rya PGGSS riri kuba ku nshuro ya 4, kuwa Gatandatu tariki 21 Kamena 2014 kimwe na bagenzi be yaririmbye mu gitaramo cya ‘Live’ cyabereye i Kigali aho baririmbye banahabwa amanota.

Uyu muhanzi ukunda kwibanda mu ndirimbo zo mu njyana ya RnB, ni inshuro ya kabiri yitabira irushanwa rya Primus Guma Guma Super Star.

Muri iki gitaramo, Christopher yari yoroheje ibintu kuko nta babyinnyi yari yateguye cyangwa ibindi bintu bidasanzwe. Ahamagawe na Arthur Nkusi wari uyoboye iki gitaramo, yaje yitwaje micro ye ku gati ayitereka hasi ahita ayicomora atangira kuririmba.

Mu guhabwa amanota muri iki gitaramo, hari ibintu bigenderwaho n’akanama kagizwe na Lion Imanzi, Tonzi na Aimable Twahirwa. Ibintu 4 by’ingenzi akanama nkemurampaka kagenderaho mu guha umuhanzi amanota : Kugira abafana benshi (popularity 50%), uko aririmba(performance30%), uko agaragara ku rubyiniro(stage appearance10%) n’ikinyabupfura(Discipline10%).

Kuba hari 50% y’amajwi atangwa n’bakemurampaka, umuhanzi ahabwa hagendewe ku buryo akunzwe (Popularity). Ni iturufu Christopher yaba yaramaze kumenya kuko ni umwe mu bakoresheje ibishoboka byose bakavugana n’abitabiriye igitaramo abasaba kumwikiriza mbese akerekana ko hari abantu bari aho bazi cyangwa bumva ibihangano bye.

Iki ni kimwe mu bintu by’ingenzi buri muhanzi uri muri iri rushanwa aba agomba kuzirikana iyo agiye kuririmba kuko ryitwa ko ari iry’abahanzi bakunzwe kurusha abandi mu Rwanda, akaba ari nayo mpamvu uburyo umuhanzi akunzwe aribyo bihabwa amanota menshi kurusha ibindi.

Aririmba, Christopher kimwe n’abandi, yaririmbye indirimbo ebyiri. Iyambere yaririmbye ni ‘Hari umunsi’ ndetse anaririmba iyo yise ‘Ndabyemeye’.

Iri rushanwa ritegurwa na Bralirwa ibinyujije mu kinyobwa cya Primus, rizasozwa kuwa 8 Nzeli 2014 mu gitaramo kizabera i Kigali muri Stade Amahoro aho uzaryegukana azahembwa miliyoni 24 z’amafaranga y’ u Rwanda.

Reba Video ya Christopher muri iki gitaramo hano

Kanda hano urebe amafoto menshi y’iki gitaramo

Amafoto: Faustin Nkurunziza
Video: Eliel Niyonzima


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .